Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda iz-túzsiz joǵalǵan 32 jastaǵy áıelge izdeý jarııalandy

2021 jyldyń 28 qazan 2021 13:10

KÓKShETAÝ. QazAqparat - Aqmola oblysynda iz-túzsiz joǵalǵan 32 jastaǵy áıelge izdeý jarııalandy, dep habarlaıdy QazAqparat tilshisi oblystyq polıtsııa departamenti baspasóz qyzmetine silteme jasap.

Vedomstvonyń málimetinshe, bıylǵy jylǵy 27 qazan keshki saǵat 19:49-da Birjan sal aýdanynyń PB kezekshi bólimine Úlgi aýylynyń 35 jastaǵy turǵyny habarlasyp, 1989 jyly týǵan áıeli Dınara Jeńisqyzy Rahımovany izdep tabýǵa kómek suraǵan.

Er adamnyń sózinshe, áıeli 27 qazan kúni saǵat 16:20 úıinen shyǵyp ketken, sodan beri habarsyz.

«Bul jaǵdaı sotqa deıingi tergeýdiń biryńǵaı tiziliminde tirkeldi. Іzdestirý jumysyna Birjan sal jáne Býrabaı aýdandaryndaǵy polıtsııa bólimderiniń jeke quramy, jurtshylyq jáne olarǵa berilgen kúsh jumyldyryldy. Polıtseıler saraı ǵımaratyn, sharýashylyq qurylystaryn, qaraýsyz qalǵan ǵımarattar men qurylystardy súzip shyqty. Beınebaqylaý kamerasynyń jazbalaryn zertteı kele, D.Rahımova saǵat 16:20 shamasynda «Stepnıak-ýche» avtojolyna shyǵyp, jol boıymen ýche qalasyna qaraı bet alǵany anyqtaldy. Qazirgi ýaqytta joǵalǵan adamnyń júrgen jerin anyqtaý úshin jedel-izdestirý sharalary júrip jatyr», - dedi vedomstvodan.

Joǵalǵan adamnyń belgileri: boıy 165-170 sm, dene bitimi myǵym, shashynyń uzyndyǵy ortasha, qara tústi, kózderi qara, tik muryndy, erni juqalaý kelgen, qulaqtary jabysqan.

Ústine aq túımeleri bar kók tústi kúrteshe, sur tústi áıelder qalpaqshasy, «R» árpi jáne aq jolaǵy bar qara tústi rıýkzak, aq tabany bar qara tústi sporttyq kebis, qara tústi trıko kıgen.

Dınara Rahımovany kórgen adamdar bolsa, dereý 8(716-39) 2-10-02, 2-17-38, 2-15-33 nemese «102» telefondary arqyly habarlasýǵa bolady.


Avtor Aslan Ospanov
Basty sózder: Oqıǵa, Aqmola oblysy,
Joǵary qaraı