Aýa raıy
Astana -6 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda ekologııa taqyrbynda halyqaralyq konferentsııa ótti

2020 jyldyń 2 jeltoqsan 2020 03:28

KÓKShETAÝ. QazAqparat – Aqmola oblysynda qazirgi jaǵdaıdaǵy ekologııalyq mádenıet jáne ekologııalyq dúnıetanym máselesi boıynsha jas pedagogtardyń halyqaralyq forýmy ótti. Forýmǵa Reseı ǵalymdary qatysty, dep habarlaıdy QazAqparat tilshisi oblystyq ishki basqarmasynyń baspasóz qyzmetine silteme jasap.

Forým qatysýshylary ekologııalyq baǵyttaǵy jobalaryn usyndy. Onlaı rejımde ótken forýmda Aqmola oblysynyń bilim basqarmasynyń basshysy Beıbit Júsipov jáne Ýral memlekettik ekonomıkalyq ýnıversıtetiniń rektory, ekonomıka ǵylymynyń doktory Sılın ıAkov quttyqtaý sóz sóıledi.

«Memleket basshysy qazaqstandyqtarǵa arnaǵan «Jańa jaǵdaıdaǵy Qazaqstan: is-qımyl kezeńi» atty Joldaýynda bilim berýde óskeleń urpaqty ekologııalyq jaǵynan tárbıeleýge basty mán berý kerektigin alǵa qoıady. Óıtkeni, ekologııalyq másele jyldan jylǵa ózekti bolyp keledi. Memleket basshysynyń tapsyrmasyn oryndaý sheńberinde bilim basqarmasy tarapynan ótkiziletin is-sharalardyń jospary jasalǵan. Sonyń biri, búgingi ótkizilip otyrǵan forým», - dep atap ótti Aqmola oblysynyń bilim basqarmasynyń basshysy Beıbit Júsipov.

Basqarmanyń málimetinshe, sharanyń basty maqsaty - ekologııalyq qyzmettiń aýqymyn keńeıtý, qoǵamnyń nazaryn ekologııa máselesine aýdarý, ekologııalyq mádenıet pen ekologııalyq dúnıetanymdy, basty ekologııalyq qundylyqtar týraly túsinikti qalyptastyrý.

Osy taqyryptar boıynsha Y.Altynsarın atyndaǵy Ulttyq bilim akademııasy orta bilimdi metodologııalyq súıemeldeý ortalyǵynyń dırektory Lázzat Báıimbetova, Ýral memlekettik ekonomıkalyq ýnıversıtetiniń professory, pedagogıka ǵylymdarynyń doktory Natalıa Verbıtskaıa, Chelıabi bilim berý qyzmetkerleriniń biliktiligin kóterý jáne qaıta daıarlaý ınstıtýtynyń kafedra meńgerýshisi Tatıana Ýtkına baıandama jasap, óz tájirıbesimen bólisti.

Osy rette Arshaly aýdanyndaǵy Volgodonovka orta mektebiniń fızıka páni muǵalimi Ernar Júrkin, № 3 oblystyq daryndy balalarǵa arnalǵan mektep ınternatynyń bıologııa pániniń muǵalimi Baqytgúl Torsynova tárizdi túrli respýblıkalyq jáne oblystyq kásibı, shyǵarmashylyq baıqaýlardyń júldegeri, jergilikti jas ustazdardyń da baıandamasy tyńdaldy.

Forým sońynda Aqmola oblysynyń bilim basqarmasy men Chelıabi oblysynyń Bilim mınıstrligi arasynda halyqaralyq áriptestik týraly memorandýmǵa qol qoıyldy.

Sonymen qatar, ekologııalyq bilim jáne tárbıe berýdegi jumystardyń basty baǵyttary boıynsha usynystar berildi.

Joǵary qaraı