Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda egin jınaý naýqany qalaı júrip jatyr

2021 jyldyń 15 qyrkúıek 2021 15:43

KÓKShETAÝ. QazAqparat – Aqmola oblysy Zerendi aýdanynyń dıqandary aýa raıynyń qolaıly sátterin utymdy paıdalanyp qalýǵa asyǵýda. Aýdandaǵy irgeli sharýashylyqtardyń biri – «Vıktorovskoe» JShS dıqandary táýlik boıy jumys istep, egin oraǵy naýqanyn erte aıaqtaýdy josparlap otyr, dep habarlaıdy QazAqparat tilshisi.

Seriktestik agranomy Ómirjan Qojahmetovtyń aıtýynsha, 30 jyl ishinde egin shyǵýy úshin mundaı qurǵashylyq jyl bolǵan joq. Kóktemde egin egýde qıyndyqtar týdy, jaz jańbyrsyz boldy, karantın de alańdaýshylyq týdyrdy. Biraq dıqandar bar kúshin salyp, jospar mejesinen shyǵýda.

«Vıktorovskoe» JShS-niń 17 myń gektardan astam egistik alqaby bar. Onyń ishinde 8,7 myńy – bıdaı, 2,5 myńy – arpa, 1,5 myń gektardan astam jasymyq, sondaı – aq zyǵyr otyrǵyzdy. Soıa jáne basqa da daqyldar bar. Otyz jyldyq tájirıbemde mundaı jańbyrsyz jaz birinshi ret bolyp otyr. Soǵan qaramastan eginimiz bitik shyǵyp, altyn astyqty qambaǵa quıyp jatyrmyz. Qazirgi kezde, egis alqaptaryndaǵy barlyq astyqtyń 65 paıyzdan astamy bastyryldy. Bul bıylǵy qurǵashylyq jylynda jaqsy kórsetkish», – deıdi Ómirjan Qojahmetov.

Seriktestik agranomy egin oraǵy jumystary táýlik boıy júrgiziletinin, túsken astyq elevatorlarǵa jetikiziletinin atap ótti.

«Aýa raıy jaqsy bolyp turǵanda kezde shıraq qımyldap jatyrmyz. Aldaǵy kúnder ashyq bolsa, naýqandy qyrkúıektiń 25-ne deıin aıaqtaımyz. Naýqanǵa 50-ge jýyq jumysshy, 10 kombaın, 8 júk kóligi jáne 3 traktor jumyldyrylǵan. Dala tósinen jetkizilgen astyq qyrman basynda tazalanyp, birden ýche qalasyndaǵy elevatorǵa jóneltilýde. Qazirgi kezde, keler jylǵa qajetti 3 myń tonnada astam tuqym qoryn da jasap qoıdyq», - dep túıindedi Ómirjan Qojahmetov.



Joǵary qaraı