Aýa raıy
Astana -17 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda egin egýdiń jańa jobasy qolǵa alynýda

2020 jyldyń 13 qazan 2020 18:02

AQMOLA OBLYSY. QazAqparat - A. Baraev atyndaǵy astyq sharýashylyǵy ǵylymı-óndiristik ortalyǵy núktelik eginshilik jobasyn júzege asyrýda. Búginde ol úshin arnaıy baǵdarlama qabyldanyp, 3 myń ga jer bólingen, dep habarlaıdy QazAqparat tilshisi.

«Bizdiń ortalyq negizinen egin, ósimdik salasyna qatysty máselelerdi zertteıdi. Ondaǵy maqsat - dándi-daqyl, jarma jáne jemshóp daqyldardyń jańa suryptaryn jasap shyǵarý. Jáne olardy óńirdegi sharýashylyqtarda ósirý», - dedi A. I. Baraev atyndaǵy astyq sharýashylyǵy ǵylymı-óndiristik ınstıtýty dırektorynyń mindetin atqarýshy Baqyt Erbolatov tilshilerge bergen suhbatynda.

Onyń aıtýynsha, ınstıtýt qarasty 5 myńnan astam ga jer bolsa, onyń 3,5 myń gektaryna túrli dándi-daqyldar ósiriledi.

«Egistikti jınaý kezeńi aıaqtaldy. Bıyl egin oraqty boldy deýge bolady. Ortasha eseppen alsaq, ár gektardan 18 tsentner bıdaı jáne 25 tsentner arpa jınaldy. Bul biz aınalysatyn negizgi baǵyt. Odan bólek, tary, qaraqumyq jáne malǵa azyq retinde kópjyldyq shópter ósiremiz. Jalpaı alǵanda bizde dándi-daqyldar jetkilikti kólemde qamtylǵan. Sonymen qatar bizdiń mamandar ǵylymı zertteýlermen de shuǵyldanady. ıAǵnı, dándi-daqyldarǵa qatysty ǵylymı eńbekter jazyp, ony iske asyrý. Atap aıtsaq, búginde dálme-dál eginshilik jobasy engizilip, jaqsy júzege asyrylýda. Bul eginshilik salasyn ilgeriletýdiń jańa baǵyty. Ol úshin arnaıy baǵdarlama qabyldandy. Búginde 3 myń ga jerge núktelik egin sharýashylyǵyn engizýdemiz», - deıdi ol.

Buǵan deıin habarlaǵanymyzdaı, búgin «Aýyl» halyqtyq-demokratııalyq patrıottyq partııasynyń ókilderi Aqmola oblysy, Shortandy aýdany, Damsa aýylynda ornalasqan A. I. Baraev atyndaǵy astyq sharýashylyǵy ǵylymı-óndiristik ortalyǵynyń jumysymen tanysty.



Joǵary qaraı