Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda dárigerler tapshylyǵy qalaı sheshilip jatyr

2022 jyldyń 21 qańtar 2022 10:08

KÓKShETAÝ. QazAqparat - Aqmola oblysynda medıtsınalyq kadrlar jetispeıtini jasyryn emes. Osy rette Sh.Ýálıhanov atyndaǵy Kókshetaý ýnıversıtetiniń bazasynda ashylǵan jalpy medıtsına fakýlteti qazirdiń ózinde óńirdiń orta jáne kishi medıtsınalyq personaly tapshylyǵynyń ornyn toltyrýǵa úles qosýda. Bul týraly atalmysh bilim ordasynyń medıtsına joǵary mektebiniń dırektory, medıtsına ǵylymdarynyń doktory Svetlana Muratbekova QazAqparat tilshisine aıtyp berdi.

Mamannyń aıtýynsha, óńirdegi medıtsına kadrlarynyń tapshylyǵyn toltyrý úshin 2018 jyly Sh.Ýálıhanov atyndaǵy Kókshetaý ýnıversıtetiniń bazasynda jalpy medıtsına fakýlteti ashyldy. Búgingi tańda fakýltette 519 stýdent oqıdy.

Onyń ishinde 185 adam orys tilinde, 212 adam qazaq tilinde jáne 125 adam aǵylshyn tilinde bilim alady.

Aǵylshyn tilinen bilim alatyndardyń arasynda 25 bala Pákistannan jáne 97 bala Úndistannan kelip otyr.

Sondaı-aq, Reseı, Mońǵolııa, Ózbekstan, Túrkimenstan, Qyrǵyzstannan kelgen taǵy 14 sheteldik stýdent orys jáne qazaq toptarynda bilim alýda.

«Biz bakalavrlar men ınternderdi daıyndaımyz. 519 stýdenttiń 14-i ınternatýrada oqıdy, onyń 10-y QR Densaýlyq saqtaý mınıstrliginiń granty boıynsha oqıdy», - dedi Svetlana Muratbekova.







UBT qorytyndysy boıynsha QR DSM granttarynda fakýltette 37 adam oqıdy.

Aqmola oblysy ákiminiń granty 176 adamǵa, oblys ákiminiń ataýly áleýmettik kómek boıynsha granty-9 stýdentke tıesili.

Sondaı-aq, óńir ákiminiń ataýly stıpendııasy bar, ony 27 oqýshy alady jáne aýdan ákimderiniń granttary-15 stýdent. Óz qarajaty esebinen 120 adam oqıdy.

«Sonymen qatar, 13 stýdent emdeý-aldyn alý uıymdarymen kelisim-shart arqyly bilim alýda. Olar oqý bitirgennen keıin oqý aqysyn tólegen uıymdarda jumys isteýge mindetti», - dedi Svetlana Muratbekova.

Stýdentterge joǵary sanatty bólim meńgerýshileri, dárigerler sabaq beredi.

Búginde jalpy medıtsına fakýltetiniń buryn medıtsınalyq kolledjdi bitirgen stýdentteri óńirdegi orta jáne kishi medıtsınalyq qyzmetkerler tapshylyǵynyń ornyn toltyrýǵa qoldan kelgenshe kómek kórsetýde.

Orta medıtsınalyq bilimi joq stýdentter sanıtar bolyp jumys isteıdi. Bul ásirese pandemııa kezinde úlken kómek.

«Medıtsınalyq kolledj dıplomymen bizde 96 stýdent bilim alýda. Búginde olardyń barlyǵy orta jáne kishi medıtsına qyzmetkerlerimen birge eńbek etedi. Barlyq 14 ıntern de jumys isteıdi. Olardyń 30 paıyzynda teorııasy jáne 70 paıyzynda tájirıbesi bar. «Qyzyl aımaqta jumys isteıtinder de bar, túnde kezekshilik etedi», - dep qosty Svetlana Muratbekova.

Medıtsına ǵylymdarynyń doktory atap ótkendeı, aldaǵy ýaqytta medıtsına mamandarynyń tapshylyǵy bolýy múmkin degen qorqynysh negizsiz jáne túlekterdiń kópshiligi Aqmola oblysynda jumys isteıtin bolady.




Osy rette, Kókshetaý joǵary medıtsınalyq kolledjin bitirgennen 67 bala osy fakýltetke kelgen eken.

«3-4 kýrs stýdentteri arasynda Kókshetaýda turyp jatqan stýdentter de kóp. Olardyń tipti otbasylary bar jáne olar eshqaıda ketpeıdi. Bizdiń stýdentterimizdiń shamamen 70 paıyzy jedel medıtsınalyq járdem stantsııasynda jumys isteıdi. Basqalary qabyldaý bólimderinde nemese emhanalarda qabyldaý júrgizedi. Bizde eki ıntern bar edi. Olar suranysqa ıe, jumysqa ornalasqan, biraq stýdentterdiń bir bóligi rezıdentýraǵa tústi, biraq olar negizinen Kókshetaýda eńbek etedi. Bizdiń fakýltet óńirdegi medıtsına qyzmetkerleriniń tapshylyǵyn toltyrýǵa kómektesedi dep esepteımin», - dep túıindedi Svetlana Muratbekova.

Aıta ketsek, bıylǵy jyldyń 28-29 qańtarynda osy fakýltetke Úndistannan taǵy 100 stýdent kelgeli otyr, olar aǵylshyn tilinde bilim alady.








Joǵary qaraı