Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda «Ashyq»-qa qatysýshy nysandarǵa jeńildik engizildi

2021 jyldyń 15 qarasha 2021 22:03

KÓKShETAÝ. QazAqparat - Aqmola oblysynyń bas memlekettik sanıtarlyq dárigeriniń karantındik shekteý sharalary týraly jańa qaýlysy shyqty. Oǵan sáıkes, «Ashyq» jobasyna qatysýshylar úshin jumys ýaqyty saǵat 01:00-ge deıin, «kóshbasshylar» úshin 03:00-ge deıin uzartyldy. Al jobaǵa qatyspaıtyn keıbir obektiler shekteý talaptaryn saqtaýy tıis, dep habarlaıdy QazAqparat.

«Ashyq» jobasyna qatysýshylardy qospaǵanda, saltanatty, estelik, otbasylyq is-sharalardy (banketter, úılený toılary, mereıtoılar) ótkizýge tyıym salynady. Joba qatysýshylary is-sharalardy qyzmetkerler men kelýshilerde qaýipsiz «jasyl» mártebe bolǵan jaǵdaıda (vaktsınatsııa, synamalardy irikteý sátinen bastap 7 táýlikten aspaıtyn teris nátıjemen PTR-test, turaqty medıtsınalyq qarsy kórsetilimderi bar, sońǵy úsh aı ishinde aýyryp jazylǵan adamdar) 50 paıyzǵa deıingi tolymdyqpen, biraq 50 orynnan aspaıtyndaı tártippen ótkize alady. «Ashyq» kóshbasshylarynda tolymdyq 50 paıyzǵa deıin, oryndar sany 70-ten aspaýy qajet.

«Banket zaldarynda ótkiziletin «Ashyq» jobasyna qatysatyndardy qospaǵanda, eske alý asyn berýge tyıym salynady. Al «Ashyq» jobasyna qatysatyndar úshin saǵat 07:00-den 01:00-ge deıin, al «Ashyq» jetekshilerine saǵat 07:00-den 03:00-ge deıin 50 adamnan artyq emes bolǵanda ruqsat etiledi», - delingen qaýlyda.

Demalys kúnderi qyzmetkerler men kelýshilerdiń qaýipsiz «jasyl» mártebesi bolǵan jaǵdaıda obektilerdiń jumysyna jol beriledi.

«Memlekettik organdar (uıymdar men kásiporyndar), kvazımemlekettik sektor organdary, ulttyq kompanııalar, ózge de uıymdar, sondaı-aq kásipkerlik sýbektileri qyzmetine ruqsat beriledi. Bul rette, shtattyq kestede 50-den artyq qyzmetker bolǵanda, qyzmetkerlerdiń keminde 50 paıyzy qashyqtan jumys atqarady. COVID-19-ǵa qarsy tolyq vaktsınatsııa kýrsyn alǵan jáne sońǵy 3 aıda COVID-19-ben aýyrǵan barlyq qyzmetkerlerge mekemede jumys atqarýǵa ruqsat beriledi», - dep kórsetilgen jańa qaýlyda.

Qaýly 2021 jylǵy 16 qarashada saǵat 00:00-den bastap kúshine enedi.


Joǵary qaraı