Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda alkogol ónimderin shyǵaratyn zańsyz tseh anyqtaldy

2021 jyldyń 22 qyrkúıek 2021 11:24

KÓKShETAÝ. QazAqparat - Aqmola oblysynda alkogol ónimderin shyǵaratyn zańsyz tseh anyqtaldy, dep habarlaıdy QazAqparat tilshisi.

Aqmola oblysy polıtsııa departamenti baspasóz qyzmetiniń málimetinshe, jedel-izdestirý is-sharalaryn júrgizý barysynda esirtki qylmysyna qarsy is-qımyl basqarmasynyń qyzmetkerleri aımaq aýdandarynyń birinde jalǵa alynǵan garajda araq pen konıak óndirýmen jáne quıýmen aınalysatyn 57 jastaǵy áıel kásipkerdiń zańsyz qyzmetin anyqtady.

«Garajdy tekserý barysynda 1200 lıtr spırt quıylǵan 200 lıtrlik plastıkalyq bóshkeler, 90 lıtr spırti men 525 lıtr araǵy quıylǵan bes lıtrlik plastıkalyq konteınerler, konıak jasaýǵa arnalǵan boıaýy bar 0,5 lıtrlik bir shyny bótelke, konıak ıisine uqsas qara suıyqtyǵy bar 0,5 lıtrlik bir shyny bótelke tabyldy jáne tárkilendi. Sondaı-aq, óndiriske jáne quıýǵa qajetti zattar alyndy: spırtti sorýǵa arnalǵan sorǵy, 12 Voltqa arnalǵan elektr ydysy, spırt qaldyqtary bar 200 lıtrlik bóshkelerdiń bos ydystary, bos kanıstrler men baklajandar», - dep túsindirdi vedomstvodan.




Áıelge qatysty QR QK 214-baby «Zańsyz kásipkerlik» boıynsha sotqa deıingi is júrgizý bastaldy. Endi polıtseıler alkogol ónimderin satý joldaryn anyqtaýda.





Avtor Aslan Ospanov
Basty sózder: Qylmyspen kúres, Aqmola oblysy,
Joǵary qaraı