Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda 15 jastaǵy jasóspirim iz-túzsiz joǵalyp ketti

2021 jyldyń 22 qyrkúıek 2021 13:04

KÓKShETAÝ. QazAqparat - Aqmola oblysynda iz-túzsiz joǵalǵan 15 jastaǵy jasóspirim qyz izdestirilýde, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, Býrabaı aýdandyq PB kezekshi bólimine Vedenovka aýylynyń 47 jastaǵy turǵyny habarlasyp, 20 qyrkúıekten iz-túzsiz joǵalǵan qyzy Aıagóz Saǵyndyqqyzy Qapezovany izdep tabýǵa kómek suraǵan. Er adamnyń sózinshe, 15 jastaǵy qyzy belgisiz baǵytta ketip qalǵan.

«Joǵalǵan adamdy izdestirý úshin Býrabaı aýdandyq polıtsııa bóliminiń jeke quramy, berilgen kúshter, sondaı-aq qoǵam ókilderi jumyldyryldy. Jasóspiriminiń týystary, dostary, synyptastary, dostary, taksı júrgizýshileri, kórshilerinen suraldy. Polıtsııa qyzmetkerleri qonaqúılerdi, jaldamaly páterlerdi, saýda ortalyqtaryn, túngi klýbtardy, sharýa qojalyqtaryn, qaraýsyz qalǵan qurylystardy, qurylys alańdaryn, saıabaqtardy, káriz kollektorlaryn, garaj kooperatıvterin, saıajaı massıvterin, ózender men sý qoımalarynyń jaǵalaý aımaqtaryn jáne basqa da oryndardy tekseredi», – dedi vedomstvodan.

Osy rette, aqmolalyq polıtseıler joǵalǵan qyzdy kórgen barlyq adamdarǵa dereý polıtsııaǵa 102 nómirine habarlaýdy suraıdy.

Jasóspirim ústine sur tústi kúrteshe, kók tústi djınsy, qyzyl tústi krossovka kıgen, ózimen birge «Samsung» markaly uıaly telefony, qara tústi rıýkzak bolǵan. Boıy 160-170 sm, dene bitim ortasha, qara shashty, boıy ortasha, qońyr kózdi, denesinde erekshe belgileri joq.


Avtor Aslan Ospanov
Basty sózder: Aqmola oblysy, Oqıǵa,
Joǵary qaraı