Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda 130 myńǵa jýyq bala jazǵy lagerde demalady

2022 jyldyń 23 mamyr 2022 07:38

KÓKShETAÝ. QazAqparat - Bıyl Aqmola oblysynda 130 myńǵa jýyq bala jazǵy lagerde demalatyn boldy, dep habarlaıdy QazAqparat tilshisi.

Oblystyq bilim basqarmasy baspasóz qyzmetiniń málimetinshe, búgingi kúni óńirde 10 memlekettik balalar lageri bar.

Onyń ishinde «Zvezdnyı» jáne «Chaıka» balalardy saýyqtyrý lageri senimgerlikke berilgen. Bıyl alǵash ret kommýnaldyq menshik aıasynda Zerendi aýdanynda «Suńqar» saýyqtyrý ortalyǵy jumys isteı bastaıdy.

Jaz boıy jeti aýysym uıymdastyrylady, onyń bazasynda 2500 balany demalyspen qamtý josparlanǵan.

Aqmola oblysynda ornalasqan lagerlerdiń jobalyq qýatyna sáıkes qala syrtyndaǵy demalyspen 11 myń oqýshyny qamtylady.

Jalpy, sanıtarlyq-epıdemıologııalyq jaǵdaı nasharlamasa, bıyl lagerler ótken jyldaǵydaı 25-30 paıyzdyń ornyna 100 paıyz tolyq qýatynda jumys isteıtin bolady.

«Aqmola oblysynda túlekterdi eseptemegende barlyǵy 133 myń oqýshy bar. Bıylǵy Balalar jyly aıasynda 129 myńnan astam balany demalyspen qamtamasyz etý josparlanǵan. Qala syrtyndaǵy, mektep janyndaǵy jáne az shyǵyndy demalys túrlerimen 88 myń bala qamtylady. Óńirdegi jazǵy lagerlerde balalardyń tolyqqandy demalýyna barlyq jaǵdaı jasalǵan. Mádenı-buqaralyq saýyqtyrý baǵdarlamalary men túrli sportyq jarystar ótkizý, teatrlandyrylǵan qoıylym jáne beınefılmder kórsetý josparlanǵan. Sondaı-aq, sporttyq alań, jabyq klýb, jaǵajaı sııaqty balalardyń ásem tabıǵat aıasynda demalýy úshin qajetti nysandar bar», - dedi vedomstvodan.

Aıta ketsek, Aqmola oblysynda júzden asa mektepte sanıtarlyq talaptar saqtalmaǵany úshin 120 adam jaýapqa tartylǵan bolatyn.


Avtor Aslan Ospanov
Basty sózder: Bilim, Bala, Aqmola oblysy, Oqýshy,
Joǵary qaraı