Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda 13 jasar qyzdy zorlaǵan kúdikti 20 jylǵa sottaldy

2022 jyldyń 13 mamyr 2022 22:49

KÓKShETAÝ. QazAqparat - Aqmola oblysynyń Sandyqtaý aýdanynda kórshisiniń 13 jastaǵy qyzyn zorlaǵan kúdikti 20 jylǵa sottaldy, dep habarlaıdy QazAqparat tilshisi.

«Bıylǵy jyldyń 31 qańtarynda Sandyqtaý aýdanynyń prokýrory jınalǵan dáleldemelerdi baǵalaý nátıjeleri boıynsha aıyptaý aktisin jasap, 13 jasar qyzdy zorlaǵan jergilikti turǵynǵa qatysty qylmystyq isti sotqa joldady. Tergeý anyqtaǵandaı, 2021 jyldyń aqpanynda ishimdik ishken er adam úıine qonaqqa kelip, uıyqtap qalǵan kórshisiniń qyzyn zorlaǵan. Bul týraly tek 2021 jyldyń qarasha aıynda kórshileri polıtsııaǵa aıtqan. Bıylǵy jyldyń 12 sáýirinde sot úkimimen kináli 20 jylǵa bas bostandyǵynan aıyryldy. Sonymen birge, oǵan ómir boıyna pedagog bolýǵa jáne kámeletke tolmaǵandarmen jumys isteýge tyıym salyndy», - dedi vedomstvodan.

Oblystyq prokýratýranyń baspasóz qyzmetiniń málimetinshe, óńirde Memleket basshysynyń tapsyrmasymen qolǵa alynǵan qylmystyq protsestiń úsh býyndy modeli júzege asyrylýda. Bıylǵy jyldyń basynan bastap úsh býyndy modeldiń ekinshi kezeńi qolǵa alyndy, onda asa aýyr sanat týraly ister boıynsha qorytyndy aıyptaý qujattaryn daıyndaý boıynsha ókilettikter prokýrorǵa júkteldi. Osy rette, oblys prokýrorlary jańa formatta 20 aıyptaý aktisin jasady, onyń 3-eýi boıynsha aıyptaý úkimi shyǵaryldy, 17-si boıynsha sot talqylaýlary júrgizilýde.

Aıta ketsek, Aqmolada jemqorlyq jasap sottalǵan 42 sheneýniktiń 16-sy ǵana túrmege qamalǵan.



Joǵary qaraı