Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysy: Ekologııalyq jaǵdaıdy jaqsartý jónindegi jol kartasyna ózgeris engiziledi

2021 jyldyń 28 aqpan 2021 19:38

KÓKShETAÝ. QazAqparat - Kókshetaýda «Nur Otan» partııasy Aqmola óńirlik fılıaly janyndaǵy Partııalyq baqylaý komıssııasy men Sybaılas jemqorlyqqa qarsy is-qımyl jónindegi qoǵamdyq keńestiń birlesken otyrysy ótti. Onyń qorytyndysy boıynsha Aqmola oblysyndaǵy ekologııalyq jaǵdaıdy jaqsartýǵa baǵyttalǵan mindetterdi oryndaý boıynsha Jol kartasyn qaıta qaraý jáne ózgerister engizý týraly sheshim qabyldandy, dep habarlaıdy QazAqparat tilshisi.

Otyrysta Aqmola oblysynyń Tabıǵı resýrstar jáne tabıǵat paıdalanýdy retteý basqarmasynyń basshysy Rýslan Áýbákirov óńirde ekologııalyq jaǵdaıdy ońaltý boıynsha atqarylyp jatqan jumystar týraly baıandady. Onyń aıtýynsha, Jol kartasy aıasynda Arshaly aýdanynda «SIO Consulting» JShS-niń jeke ınvestıtsııalary esebinen jyldyq qýatty 30 myń tonna qoqys óńdeıtin óndiristik keshen salý josparlanýda. Óńirdiń birqatar qalalary men kentterinde qaıtalama shıkizatty qabyldaýdyń 15 qosymsha pýnktin ashý, Arshaly, Astrahan aýdandary men Kókshetaýda gıdrotehnıkalyq qurylystarǵa jóndeý júrgizý jáne Astrahan aýdany men oblys ortalyǵynda jaǵalaýdy nyǵaıtý jáne arnany keńeıtý jumystaryn júrgizý josparlanyp otyr.

Aqmola óńirinde qatty turmystyq qaldyqtar tógetin zańdastyrylǵan polıgondardyń joqtyǵy jáne turmystyq qaldyqtardy bólek jınaý jáne suryptaý boıynsha damyǵan ınfraqurylymnyń bolmaýy úlken máselege aınalyp otyr. Kókshetaý qalasynda qaldyqtardy bólek jınaý júıesin engizý kóptegen suraqtar týǵyzady. Joba 2016 jyldyń qyrkúıeginde bastaldy, Kókshetaý ákimdiginiń qoldaýymen «LS Kokshetau» JShS kásiporny qatty turmystyq qaldyqtardy bólek jınaýdy engizý boıynsha jumysty bastady. Bólek jınaý úshin 15 konteıner ornatylyp, oblys ortalyǵynyń barlyq shaǵyn aýdandarynda qaıta shıkizatty qabyldaıtyn 9 pýnkt uıymdastyryldy. «Kókshe Tazalyq» JShS qatty turmystyq qaldyqtardy óńdeý suryptaý jelisin ornatty, qaldyqtardy ornalastyrý úshin alań daıyndaldy. Qoqysty bólek jınaýǵa arnalǵan 36 konteıner ornatyldy.

Otyrysta «Nur Otan» partııasy Aqmola óńirlik fılıaly tóraǵasynyń birinshi orynbasary Ǵalym Bekmaǵambetov osy baǵyttaǵy aldaǵy bes jylǵa arnalǵan josparlar týraly máseleni kóterdi.

«Kókshetaýda qoqysty bólek jınaý júıesin engizý boıynsha bes jylǵa ne josparlanǵanyn qarańyz. Bul 10 konteıner ornatý. Siz jylyna eki konteıner ornatqyńyz kele me, sonda?», - dep surady Ǵalym Bekmaǵambetov.

Belgili bolǵandaı, Tabıǵı resýrstar jáne tabıǵat paıdalanýdy retteý basqarmasy tehnıkalyq ekonomıkalyq negizdeme, jobalyq smetalyq qujattamalardy ázirleýge, qujattamany resimdeýge, polıgondar salýǵa, sondaı-aq qaýipti qaldyqtardy jınaýǵa ǵana jaýap beredi. Bul baǵyttaǵy jol kartasyn energetıka jáne turǵyn úı-kommýnaldyq sharýashylyǵy basqarmalary men aýdan ákimdikteri pysyqtady.

«Bolǵan jaǵdaı týraly men oblys ákimine baıandaımyn jáne jol kartasyn sáıkestikke keltirýine qol jetkizemin. Bul jerde jeke jaýapkershilik bolýy tıis», - dedi Ǵalym Bekmaǵambetov.

Jol kartasy aıasynda óńirde ýche, Aqkól, Arshaly, Qorǵaljyn, Qosshy Qoıandy, Zerendide qaldyqtardy suryptaý jáne qaıta óńdeý jelileri bar jeti qatty turmystyq qaldyqtar polıgonyn salý josparlanýda. Ázirge Aqmola óńirinde qatty turmystyq qaldyqtar polıgondarynyń taralýy birkelki emes: mysaly, Jaqsy aýdanynda birden jeti polıgon, al Zerendi jáne Býrabaı aýdandarynda birde – bir polıgon joq. ýchedegi polıgon jabyldy, óıtkeni ol jer asty kózderiniń ornynda ornalasqan. Alaıda jergilikti turǵyndar qoqysty ádettegi ornyna tastaýdy jalǵastyrýda.

«Aqmola oblysynda qatty turmystyq qaldyqtar tógetin 130 polıgon bolsa, onyń 23-niń ǵana ruqsat qujattary bar. Osylaısha, ekologııalyq talaptar men sanıtarlyq erejelerge sáıkes keletin qatty turmystyq qaldyqtardy ornalastyrý obektileriniń úlesi 17,6 paıyzdy quraıdy», - dep atap ótti Aqmola oblysy boıynsha ekologııa departamenti basshysynyń mindetin atqarýshy Erjan Ahmetov.

Zańdastyrylǵan polıgon bolmaǵandyqtan, ruqsat etilmegen qoqys oryndary paıda bolýda. 2020 jyly Aqmola oblysynda ǵaryshtyq monıtorıng boıynsha osyndaı 1593 qoqys orny anyqtaldy, olardyń 910-y joıyldy.

«Aýdan ortalyqtarynda qatty turmystyq qaldyqtarǵa arnalǵan jeti polıgon salýmen birge barlyq eldi mekenderde qaldyqtardy ýaqytsha saqtaý alańdaryn uıymdastyrý, qaıtalama shıkizatty satyp alý pýnktterin ornatý qajet. Budan basqa, qoqys jınalǵan jaǵdaıda ony shyǵarý tetigin pysyqtaý qajet. Aqmola oblysynda 2020 jyly 243 myń tonna qatty turmystyq qaldyqtar jınaqtalǵan. Bul rette qaıta óńdeý úlesi bar bolǵany 15 paıyzdy quraıdy», - dep atap ótti ol.


Joǵary qaraı