Aqmola oblysy aýmaǵynda mal urlyǵymen aınalysqan top ustaldy
NUR-SULTAN. QazAqparat – Elorda jáne Aqmola oblysynda Aqmola oblysynyń aýmaǵynda mal urlaýmen aınalysqan qylmystyq topty ustaý boıynsha arnaıy operatsııa júrgizildi. Bul týraly QazAqparat Nur-Sultan qalasynyń polıtsııa departamentine silteme jasap habarlaıdy.
Osylaısha, 18 qarasha kúni Nur-Sultanda polıtseıler Aqmola oblystyq polıtsııa departamentindegi áriptesterimen birlesip qylmystyq toptyń tórt múshesin ustady.
Qazirgi kezde olar mal urlaýdyń tórt faktisine qatysy bar ekeni anyqtalǵan. Qylmyskerler túngi ýaqytta dalada jaıylyp júrgen iri qara maldy atyp, etin sol jerde múshelep, ony elorda bazarlarynda satqan.
QR Qylmystyq kodeksiniń 188-1 baby («mal urlaý») boıynsha sot aldyndaǵy tergeý amaldary júrgizilýde.
