Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola ákimi úsh aýysymdaǵy mektepter máselesi qashan sheshiletinin aıtty

2021 jyldyń 18 maýsym 2021 15:28

NUR-SULTAN. QazAqparat – Aqmola oblysynyń ákimi Ermek Marjyqpaev óńirde úsh aýysymdaǵy mektepter máselesi qashan sheshiletinin aıtty, dep habarlaıdy QazAqparat tilshisi.

«Nur Otan» partııasynyń saılaýaldy baǵdarlamasyn júzege asyrý aıasynda bıyl 10 mekteptiń qurylysy men 94 oqý ornyn jańǵyrtý qarastyrylǵan. Josparly túrde úsh aýysymdaǵy mektepter máselesi sheshilip jatyr. Jyl sońyna deıin Tselınograd aýdanynda tórt mektepti, Kókshetaýda oqytý-tárbıe kesheni men qosymsha oqytý korpýsyn paıdalanýǵa berý josparlanyp otyr», - dedi E. Marjyqpaev Ortalyq kommýnıkatsııalar qyzmetinde.

Onyń aıtýynsha, bul nysandar oblystaǵy 3 mektepte úsh aýysymda oqytý máselesin sheshýge múmkindik beredi.

«Jalpy aldaǵy jyly 980 orynǵa arnalǵan taǵy 4 mektepti tapsyrý jáne Kókshetaýdaǵy №4 orta mektepke qosymsha korpýs esebinen úsh aýysymdaǵy jáne apatty mektepter máselesin tolyq sheshemiz», – dedi ákim.


Joǵary qaraı