Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ákimi synǵa ushyrap, qyzmetten alynǵan Aıyrtaý aýdanyna jańa ákim keldi

2021 jyldyń 18 maýsym 2021 19:05

PETROPAVL. QazAqparat – Soltústik Qazaqstan oblysynda Aıyrtaý aýdanyna jańa basshy taǵaıyndaldy, dep habarlaıdy QazAqparat tilshisi.

SQO-ǵa qonys aýdarýshylarǵa arnalǵan úılerdiń sapasyz salynýyna baılanysty synǵa ushyraǵan eki aýdannyń ákimi qyzmetinen ketken edi.

Búgin sol eki aýdannyń biri – Aıyrtaýǵa jańa ákim taǵaıyndaldy.

Endi Aıyrtaý aýdanyn Erbolat Bekshenov basqarmaq.

Erbolat Muratuly buǵan deıin SQO aýyl sharýashylyǵy jáne jer qatynastary basqarmasynyń jetekshisi bolyp eńbek etti.

Erbolat Bekshenov 1973 jyly týǵan, Ortalyq Azııa ýnıversıtetin ekonomıst mamandyǵy boıynsha bitirgen.

Eńbek jolyn «Bekshenov» sharýa-fermerlik qojalyǵy basshysynyń orynbasary bolyp bastady.

«Et» JShS-de marketıng bóliminiń meńgerýshisi, Taıynsha aýdanyndaǵy Donetsk aýyldyq okrýginiń ákimi, Mamlıýtka qalasy ákiminiń orynbasary, Mamlıýt aýdany ákiminiń orynbasary qyzmetterin atqardy.

2014-2018 jyldary Mamlıýt aýdanynyń ákimi bolyp jumys istedi.

Sondaı-aq búgin Esil aýdanyna da jańa basshy taǵaıyndaldy.


Joǵary qaraı