Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ákimdikter qoǵamdyq turaqtylyqty saqtaýǵa barynsha múddeli bolýy kerek – Jemis Turmaǵambetova

2021 jyldyń 18 qańtar 2021 15:48

NUR-SULTAN. QazAqparat – «Beıbit jınalystar týraly» zańdy jaqsartý úshin polıtsııa qyzmetkerlerin jańa ádisteme boıynsha oqytý kerek. Elordada ótip jatqan «Prezıdenttik jańa saıası reformalar paketi» atty dóńgelek ústelde «Adam quqyǵyna arnalǵan hartııa» qoǵamdyq qorynyń dırektory Jemis Turmaǵambetova osylaı dedi, dep habarlaıdy QazAqparat tilshisi.

«Shamamen bir jarym jyl buryn men Prezıdenttiń qabyldaýynda boldym. Sodan beri saıası reformalardyń úsh paketi jarııalandy. Problemalardyń kóbin men bir qujat etip jınaqtap, qoǵam ókilderine, adam quqyqtary jónindegi áriptesterime usyndym. Bul rette Prezıdentke alǵys aıtsam deımin, sebebi buryn men aıtyp kelgen máseleler sheshimin tappaıtyn. Onyń biri - ólim jazasyna qatysty. 1995 jyldan bastap qanshama uıymdarǵa bas suǵyp, qanshama ýákiletti organǵa bardym. Konferentsııa men kezdesýlerdiń bárinde ólim jazasy týraly norma zańǵa sáıkes kelmeıtinin aıtyp keldim. 2019 jyly reformalardyń birinshi paketi qabyldandy. Bir jyl bir jarym aı boıy salmaqty máseleler kóterilip keldi», - dedi Jemis Turmaǵambetova.

Ol sonymen qatar elde «Beıbit jınalystar týraly» zańǵa qatysty áli de syn aıtylyp kele jatqanyn atap ótti.

«Bálkim, ony zertteı tússek, jaqsarta alatyn sekildimiz. Bul rette polıtsııa qyzmetkerlerin jańa ádisteme boıynsha oqytý kerek. Azamattyq qoǵam men quqyq qorǵaıtyn uıymdar bul máselelerdi keńinen zertteýi tıis», - dedi ol.

Jemis Turmaǵambetova áleýmettik jeliniń kómegimen búkil halyq barlyq máseleden habardar bolyp otyrǵanyn eske saldy.

«Men jergilikti ózin-ózi basqarý týraly zańdy qarap shyqtym. Menińshe, olar jumysyn jaqsartýy tıis. Ákimdikter qoǵamdyq turaqtylyqty saqtaýǵa barynsha múddeli bolýy kerek», - dedi Jemis Turmaǵambetova.


Joǵary qaraı