Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ákim saılaýy: Shyǵysqazaqstandyqtar jappaı daýys berip jatyr

2021 jyldyń 25 shilde 2021 11:20

ÓSKEMEN. QazAqparat – Shyǵys Qazaqstan oblysynda aýyl ákimderin saılaýǵa qatysý joǵary deńgeıde bolady dep kútilýde, dep habarlaıdy QazAqparat tilshisi

Shyǵys Qazaqstanda búginde 77 aýyl ákimin saılaý úshin 221 saılaý ýchaskesi ashylǵan. Alǵashqy saılaýshylar arnaıy ýchaskelerge baryp, óz kandıdattaryna daýys berdi. Olardyń keıbireýleri saılaý kúniniń mańyzdylyǵy týraly oılarymen bólisti.

«Búgin bárimiz úshin óte mańyzdy kún, sebebi biz aýyl basshysyn tańdap jatyrmyz. Bul bizdiń Vydrıha aýylynyń tynys-tirshiligin biletin, týyndaıtyn barlyq qıyndyqtardy, sonyń ishinde sýmen jabdyqtaý, sý tasqynyna qarsy kúres jáne taǵy basqa mańyzdy máselelerdi sheshetin adam bolýy tıis. Bolashaq ákim kóp nárseni júzege asyrýy kerek, oǵan aýyl turǵyndary kómektesetin bolady. Laıyqty adamdy tańdap, onymen birge aýyldyń ıgiligi úshin tórt jyl birge turyp, eńbek etemiz», – dedi Shemonaıha aýdany Vydrıha aýylynyń turǵyny Aleksandr Belkın.

Úrjar aýdany Maqanshy aýylynyń turǵyny Jumaǵazy Jaqanbaev aýyl ákimderin saılaý – elimizdiń alǵa úlken qadam jasaýyna múmkindik beretin mańyzdy oqıǵa ekenin atap ótti.

«Búkil Qazaqstan úshin búgin erekshe kún. Halyq búginde bolashaq ákimge úlken úmit artyp otyr. Ol keıin aýyldyń órkendeýi úshin aıanbaı eńbek etedi dep senemiz. Saılaý halyqqa úlken paıda ákeledi dep oılaımyn. Men óz tańdaýymdy jasadym», - dedi ol.

«100 jańa esim» jobasynyń jeńimpazy Serikjan Qajytaı saılaý ýchaskesine kelip, Úrjar aýyldyq okrýginiń bolashaq ákimine daýys berdi.

«Saılaý jaqsy ótýde. Saılaýshylar joǵary belsendilik tanytyp jatyr. Barlyq sanıtarlyq talaptar qatań saqtalýda. Jerlesterimdi jarqyn bolashaq úshin óz tańdaýlaryn jasaýǵa shaqyramyn», - dedi ol.

Besqaraǵaı aýdany Steklıanka aýylyndaǵy saılaý ýchaskesinde birinshi bolyp daýys bergen Qurmanbek Bekeev boldy. Ol QR Prezıdenti Qasym-Jomart Toqaevtyń aýyl ákimderin saılaýyn ótkizý týraly bastamasy jergilikti ózin-ózi basqarý júıesine qatysty azamattardyń dúnıetanymyn túbegeıli ózgertetinin jetkizdi.

«Aýyl turǵyndary endi barlyq qoıylǵan mindetterdi sapaly oryndaıtyn ákimdi óz betinshe tańdaı alady. Búgin men de óz tańdaýymdy jasadym», - dedi Qurmanbek Bekeev.


Joǵary qaraı