Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ákim saılaýy: PTR-test pen vaktsına pasporty kimderge qajet

2021 jyldyń 24 shilde 2021 23:11

NUR-SULTAN. QazAqparat – Sanıtarlyq-epıdemıologııalyq talap boıynsha, saılaý komıssııalarynyń músheleri, senimdi ókilder, baıqaýshylar men BAQ ókilderi saılaý ýchaskelerine kirýi úshin ózimen birge vaktsına pasportyn alyp júrýi kerek, dep habarlaıdy QazAqparat tilshisi.

Bul talap tek ekpege qarsy medıtsınalyq kórsetilimi bar adamdarǵa ǵana júrmeıdi. Degenmen, ondaı adamdar saılaý ýchaskesine kirgisi kelse, PTR-testiń merzimi 3 kúnnen aspaǵan qorytyndysy bolýy kerek.

Elimizdiń bas sanıtar dárigeriniń qaýlysy boıynsha, daýys berýge protsesine qatysatyn adamdardyń bári jeke qorǵanysh quraldarymen qamtamasyz etilgen bolýy kerek jáne áleýmettik ara qashyqtyqty saqtaýǵa mindetti.

Sondaı-aq, saılaý ótetin ǵımarattyń ishinde kelýshiniń janasýynsyz iske qosylatyn termometr men sanıtaızerler bolýy shart. Kelýshilerdiń arasynda dene qyzýy joǵary adamdar bolsa jáne koronavırýstyń ózge de belgileri baıqalǵan jaǵdaıda birden oqshaýlaıtyn arnaıy oqshaý bólme bolýy kerek.

Eske salsaq, 25 mamyrda Prezıdent Qasym-Jomart Toqaev saılaý týraly Konstıtýtsııalyq zańǵa ózgertýler men tolyqtyrýlar engizýdi kózdeıtin qujatqa qol qoıǵan bolatyn.

Saılaý ótkizilgennen keıin úsh kún ishinde búgingi kúnniń qorytyndysy shyǵarylýy kerek. Jeti kún ishinde saılanǵan ákimdi tirkeý júzege asyrylady. Bul rette saılanǵan ákimniń ókilettigi ony tıisti aýmaqtyq saılaý komıssııasy tirkegen kezden bastalady.

Jalpy bıyl jyl aıaǵyna deıin 775 aýyl ákimi saılanady. Elimizde barlyǵy 2346-ǵa jýyq aýyl ákimi bar. Osyny eskersek 2022 jyldyń basynda aýyl ákimderiniń quramy úshten birge jańarady degen sóz.


Joǵary qaraı