Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ákim saılaýy: Qazaqstannyń 9 óńirinde saılaý ýchaskeleri jabyldy

2021 jyldyń 25 shilde 2021 20:08

NUR-SULTAN. QazAqparat – 9 aımaqta aýyl, aýyldyq okrýg, qalalyq mańyzy bar qala men kent ákimderine daýys berý aıaqtaldy, dep habarlaıdy QazAqparat tilshisi.

Jergilikti saılaý komıssııalarynyń deregi boıynsha, Nur-Sultan ýaqytymen saǵat 20.00-de elimizdiń 9 óńirinde saılaý ýchaskeleri jabyldy.

Osylaısha, kezekti saılaý naýqanyna oraı ashylǵan 9 óńirdegi saılaý ýchaskeleri jumysyn aıaqtady.

Al elimizdiń batysynda ornalasqan Mańǵystaý, Qyzylorda, Aqtóbe, Atyraý jáne Batys Qazaqstan oblystarynda daýys berý protsesi áli jalǵasyp jatyr.

Saılaý komıssııalary usynǵan málimetterge súıensek, saǵat 18.00-degi jaǵdaı boıynsha Aqmola obysynda daýys berýshilerdiń 63,5 paıyzy, Aqtóbe oblysynda – 69,8 paıyz, Almaty oblysynda – 66,3 paıyz, Atyraý oblysynda – 71 paıyz, Shyǵys Qazaqstan oblysynda – 85,4 paıyz, Jambyl oblysynda – 84,1 paıyz, Batys Qazaqstan oblysynda – 69,2 paıyz, Qaraǵandy oblysynda – 67,3 paıyz, Qostanaı oblysynda – 81 paıyz, Qyzylorda oblysynda – 71,7 paıyz, Mańǵystaý oblysynda – 64,2 paıyz, Pavlodar oblysynda – 70,9 paıyz, Soltústik Qazaqstan oblysynda – 80,2 paıyz, Túrkistan oblysynda – 69,9 paıyz saılaýshylar saǵat 18.00-ge óz tańdaýyn jasaǵan.

Buǵan deıin habarlaǵanymyzdaı, atalǵan 730 saılaý okrýginde 2582 kandıdat usynylǵan. Sonyń 2297-i tirkeýden ótken. Kandıdattardyń basym bóligi – óz-ózin usynýshylar. ıAǵnı, saılaý zańnamasyndaǵy jańa múmkindikti 1419 adam paıdalanyp otyr.

Sondaı-aq, 878 úmitkerdi Ádilet mınıstrliginiń tirkeýinde bar 6 saıası partııa usynǵan. Halyqtyń daýys berýi arqyly ákim bolǵysy keletinderdiń genderlik quramyna kelsek, er úmitkerlerdiń sany –1839. Solarmen birge 458 áıel úmitker baǵyn synady.


Joǵary qaraı