Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ákim saılaýy: Qazaqstan boıynsha saılanatyn 730 ákimge qansha adam daýys beredi

2021 jyldyń 25 shilde 2021 09:22

NUR-SULTAN. QazAqparat – Elimizde búgin ótip jatqan aýyl, aýyldyq okrýg, kent jáne aýdandyq mańyzy bar ákimderin saılaýǵa 14 oblystaǵy daýys berýge quqyly halyqtyń 13 paıyzy qatysady, dep habarlaıdy QazAqparat tilshisi aımaqtyq saılaý komıssııalarynyń málimetterine silteme jasap.

Aýmaqtyq saılaý komıssııalarynyń derekteri boıynsha daýys berýge 1 209 817 saılaýshy qatysady. Bul 14 oblystaǵy saılaýshylardyń 13% - y degen sóz. Olar osy saılaýǵa dep jasaqtalǵan 1847 saılaý ýchaskesinde búgin óz tańdaýlaryn jasap, el tarıhynda tuǵysh ret óz ákimderin tikeleı daýys berý arqyly tańdaıdy.

Buǵan deıin de habarlaǵanymyzdaı, atalǵan 730 saılaý okrýginde 2582 kandıdat usynylǵan. Solardyń 2297-i tirkeýden ótken.

Kandıdattardyń basym bóligi – óz-ózin usynýshylar. Saılaý týraly zańnamaǵa engizilgen tolyqtyrýlar men túzetýlerdiń arqasynda aýyl ákimderiniń saılaýyna túskisi keletin úmitkerge óz-ózin usyný múmkindigi berilgen bolatyn. Osy múmkindikti bul jolǵy saılaýda 1419 adam paıdalanyp otyr.

Sondaı-aq, 878 úmitkerdi Ádilet mınıstrliginiń tirkeýinde bar 6 saıası partııa usynǵan.

Halyqtyń daýys berýi arqyly ákim bolǵysy keletinderdiń genderlik quramyna kelsek, er úmitkerlerdiń sany –1839. Solarmen birge 458 áıel úmitker baǵyn synap jatyr.


Basty sózder: Saılaý, Ákim saılaýy, Ákim,
Joǵary qaraı