Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqan Rahmetýllın Qazaqstannyń AÓІSShK-ge tóraǵalyǵynyń basymdyqtaryn atady

2021 jyldyń 12 qazan 2021 14:26

NUR-SULTAN. QazAqparat – Qazaqstan AÓІSShK-ge tóraǵalyǵy kezindegi keńes áleýetin odan ary nyǵaıtady. Bul týraly Azııadaǵy ózara is-qımyl jáne senim sharalary keńesi Syrtqy ister mınıstrleriniń 6-kezdesýinde QR Syrtqy ister mınıstriniń orynbasary Aqan Rahmetýllın aıtty, dep habarlaıdy QazAqparat tilshisi.

«Qazirgi zamanǵy syn-tegeýirinder men tehnologııalarǵa jyldam beıimdeletin óńirlik qaýipsizdiktiń búgingi qaterleri Azııadaǵy ózara is-qımyl jáne senim sharalary keńesi elderiniń arasynda olardy sheshýdegi kópjaqty ádister men tyǵyz úılesimdilikti talap etedi. Osy turǵydan alǵanda qazaqstandyq tóraǵalyq kezinde AÓІSShK áleýetin odan ary nyǵaıtý, ony Azııadaǵy jańa syn-tegeýrinderdi birge eńserý maqsatynda ózara baılanysty yntymaqtastyq pen dıalog úshin tıimdi platformaǵa aınaldyrý jumysy jalǵasady», - dedi QR Syrtqy ister mınıstriniń orynbasary.

Sonymen qatar Aqan Rahmetýllın Qazaqstan AÓІSShK-ge tóraǵalyq etken kezde forým qyzmetimen baılanysty barlyq máseleler boıynsha dıalogqa ashyq bolatyndyǵyn, keńesti odan ary damytýǵa qatysty múshe memleketterdiń usynystary men ıdeıalaryn talqylaýǵa daıyn ekendigin basa aıtty.

«Azııadaǵy qaýipsizdiktiń tıimdi arhıtektýrasyn birlesken kúsh-jigerdiń arqasynda ǵana qurýǵa bolady dep sanaımyz», - dedi Aqan Rahmetýllın.

Aıta keteıik, Qazaqstan 2022-2024 jyldarǵy AÓІSShK tóraǵasy laýazymyna óz kandıdatýrasyn usynyp otyr.



Joǵary qaraı