Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqan Rahmetýllın AÓІSShK elderin Qazaqstannyń Halyqaralyq bıologııalyq qaýipsizdik agenttigin qurý bastamasyn qoldaýǵa shaqyrdy

2021 jyldyń 12 qazan 2021 13:22

NUR-SULTAN. QazAqparat – Azııa jahandyq halyqaralyq qarym-qatynastyń epıtsentrine aınaldy. Bul týraly Azııadaǵy ózara is-qımyl jáne senim sharalary keńesi Syrtqy ister mınıstrleriniń 6-kezdesýinde QR Syrtqy ister mınıstriniń orynbasary Aqan Rahmetýllın aıtty, dep habarlaıdy QazAqparat tilshisi.

«Qazirgi ýaqytta Azııa ekonomıkalyq áleýet turǵysynan da, jahandyq saıasatqa yqpal etý turǵysynan da jahandyq halyqaralyq qarym-qatynastyń epıtsentrine aınalyp otyr.

Degenmen, ókinishke oraı óńir elderi uzaqmerzimdi salalardaǵy aıtarlyq qaterlermen, sonymen qatar jańa syn-tegeýirindermen betpe-bet kelip otyr», - dedi QR Syrtqy ister mınıstriniń orynbasary.

Onyń atap ótýinshe, mundaı syn-tegeýirinderge epıdemıologııalyq, medıtsınalyq jáne azyq-túlik qaýipsizdigi, tabıǵı jáne tehnogendik apattar jatady.

«Osyǵan oraı Qazaqstan Prezıdenti Qasym-Jomart Toqaevtyń 2020 jyldyń qyrkúıeginde BUU Bas assambleıasynyń 75-sessııasynda Halyqaralyq bıologııalyq qaýipsizdik agenttigin qurý týraly bastamasyn atap ótkim keledi. AÓІSShK elderi bul bastamaǵa qoldaý kórsetetindigine jáne ony halyqaralyq alańdarda ilgerletýge septesedi dep úmittenemiz», - dedi Aqan Rahmetýllın.


Avtor Marlan Jıembaı
Basty sózder: Qoǵam, Halyqaralyq uıymdar,
Joǵary qaraı