Aýa raıy
Astana -20 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

AIIB indetpen kúres aıasynda Qazaqstanǵa qarjy qarastyrdy

2020 jyldyń 24 qarasha 2020 11:15

NUR-SULTAN. QazAqparat – Májilistiń jalpy otyrysynda «Qazaqstan men Azııa Infraqurylymdyq Investıtsııalar Banki arasyndaǵy Qaryz týraly kelisimdi ratıfıkatsııalaý týraly» zań jabasy maquldandy, dep habarlaıdy QazAqparat tilshisi.

«2020 jylǵy 13 tamyzdaǵy №386 QR Prezıdentiniń Jarlyǵyna sáıkes 661 mln 800 myń eýro somasyndaǵy Qazaqstan Respýblıkasy men Azııa Infraqurylymdyq Investıtsııalar Banki arasyndaǵy Qaryz týraly kelisimge qol qoıyldy. Qaryz bıýdjet tapshylyǵyn qarjylandyrýǵa baǵyttalatyn bolady. ıAǵnı COVID-19 pandemııasynyń saldaryna qarsy kúres jáne ekonomıkany qalpyna keltirý boıynsha QR Úkimetiniń sharalaryn qoldaýǵa múmkindik beredi.

Qaryz 3 jyldyq jeńildikti kezeńdi qosa alǵanda, 10 jyl óteý merzimine beriledi. Syıaqy mólsherlemesi ‒ Eýrıbor+0,50%», - dedi QR Qarjy mınıstri Erulan Jamaýbaev.

Kelisimde belgilengen qarjylyq sharttarǵa sáıkes, qaryzǵa qyzmet kórsetý jáne ony óteý respýblıkalyq bıýdjet qarajaty esebinen júzege asyrylatyn bolady.

«Kórsetilgen qarajatty tartý bıýdjettiń bekitilgen tapshylyǵy jaǵdaıynda óte mańyzdy bolyp otyr. Bul qarajat Azııa Infraqurylymdyq Investıtsııalar Bankiniń pandemııaǵa qarsy kúres jónindegi arnaıy baǵdarlamasy aıasynda Qazaqstan Respýblıkasy úshin rezervtelip qoıylǵan», - dedi mınıstr.


Avtor Rýslan Ǵabbasov
Basty sózder: Májilis, Bankter,
Joǵary qaraı