Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva Túrkııaǵa jumys saparymen bardy

2021 jyldyń 6 sáýir 2021 18:27

NUR-SULTAN. QazAqparat - QR Aqparat jáne qoǵamdyq damý mınıstri jumys saparymen Túrkııaǵa bardy, dep habarlaıdy QazAqparat atalǵan vedomstvonyń baspasóz qyzmetine silteme jasap.

Mınıstrdiń sapar aıasynda Túrkııa Prezıdenti Ákimshiliginiń Qoǵammen baılanys jónindegi basqarmasynyń basshysy Fahrettın Altýnmen, Jastar jáne sport mınıstri Mehmet Kasapoǵlýmen jáne din isteri basqarmasynyń tóraǵasy Alı Erbashpen kezdesýleri nátıjeli ótti. Іs-sharalar barysynda mınıstrliktiń jetekshilik etetin salalary boıynsha yntymaqtastyqty damytýdyń ózekti máseleleri jan-jaqty talqylandy.
Praktıkalyq salalardaǵy áriptestikti jandandyrý perspektıvalaryna, onyń ishinde aqparat, din salalarynyń mamandaryn daıarlaý, volonterlik qyzmetti damytýdaǵy tájirıbe jáne ózara ozyq úlgilermen almasýdy júzege asyrý boıynsha birqatar máselelerge erekshe nazar aýdaryldy.





Túrkııanyń jastar isi jáne sport mınıstri M.Kasapoglýmen kezdesý barysynda Qazaqstannyń Aqparat jáne qoǵamdyq damý mınıstrligi men Túrkııa Respýblıkasynyń Jastar isi jáne sport mınıstrligi arasynda jastar saıasaty salasyndaǵy ózara túsinistik týraly Memorandým jasasý qajettiligi týraly ýaǵdalastyqqa qol jetkizildi. Yntymaqtastyq boıynsha volonterlik qyzmettegi tájirıbe almasý kózdeledi.
Aıda Balaeva 2021 jylǵy 31 naýryzda ótken Túrki keńesiniń beıresmı Sammıtinde memleket basshylarynyń SOVID-19 pandemııasynyń taralýyna jol bermeý úshin birigý jáne áriptestik ornatý qajettigi týraly aıtqanyn eske saldy. Sondaı-aq ol eki eldiń jastar kóshbasshylary arasyndaǵy qarym-qatynasty jandandyrý alańy sanalatyn – Túrki keńesiniń IV jastar festıvaliniń bıyl Qazaqstanda ótetinin atap ótti.
Túrkııa Respýblıkasy Din isteri basqarmasynyń tóraǵasy Alı Erbashpen kezdesýde mınıstr A.Balaeva Túrkııa ýnıversıtetterinde Qazaqstan musylmandary dinı basqarmasynyń jiberýimen qazaqstandyq teologtardy daıarlaýdaǵy yntymaqtastyqty odan ári tereńdetý men nyǵaıtýǵa múddelilik bildirdi.





Jumys sapary barysynda ásirese Túrkııanyń teledıdar naryǵynyń jetekshilerimen ótkizgen kezdesýlerge erekshe mán berildi. Atap aıtqanda, «TRT» memlekettik tele-radıokompanııasynyń basshysy Ibrahım Erenmen, Túrkııanyń «Anadolu» aqparattyq agenttiginiń basshylyǵymen jáne Stambýldaǵy teleserıaldar túsirý alańynyń dırektory ıAheı Taıp Aıdenızmen kezdesýler ótti. Mınıstrlik birlesken kontent qurý, onyń ishinde ortaq túrki mádenıeti men tarıhyn tanymal etý máseleleri boıynsha televızııalyq ónimderdiń túrik óndirýshilerimen yntymaqtastyǵynyń kólemi men sapasyn arttyrýǵa daıyn.
Aıta keteý kerek, «Qazaqstan» RTRK men Túrkııanyń «TRT» memlekettik tele-radıokompanııasy arasynda «Qorqyt ata» birlesken televızııalyq jobasyn qurý týraly kelissózderdi bastaý týraly kelisimge qol jetkizildi. Sondaı-aq, Túrik tarapy túsirgen Qoja Ahmet ıAssaýı týraly telehıkaıanyń kórsetilimi Qazaqstan kórermenderine de taıaý arada kórsetiletini belgili boldy.





Televızııalyq mamandardyń tájirıbe almasýy aıasynda Aıda Balaeva Túrkııanyń jetekshi mamandaryn qazaqstandyq áriptesterin oqytýǵa jáne úıretýge shaqyrdy. Ol bul baǵyttaǵy jumysty pandemııa kezindegi epıdemıologııalyq jaǵdaı turaqtalǵannan keıin oflaın-formatta uıymdastyrýǵa bolatyndyǵyn atap ótti. Mınıstr Túrkııanyń medıa salasy men shyǵarmashylyq toptarynyń ókilderin osy jyly iske qosylǵan «Turkistan» telearnasynyń jobalaryna qatysýǵa shaqyrdy.





Mınıstr Aıda Balaeva Túrkııa Prezıdenti Ákimshiliginiń qoǵammen baılanys jónindegi Bas basqarmasynyń basshysy Fahrettın Altýnǵa shaqyrtý úshin alǵys aıtyp, ony QR «Aqparat salasynyń úzdigi» tósbelgisimen marapattady. Ol Qazaqstan men Túrkııany Elbasy Nursultan Nazarbaev pen Prezıdent Qasym-Jomart Toqaev erekshe nazar aýdaryp otyrǵan dostyq qarym-qatynastar baılanystyratynyn atap ótti.
QR AQDM basshysy ózi basqaratyn vedomstvonyń jetekshilik etetin salalary boıynsha áriptestikti odan ári damytýǵa daıyndyǵyn jetkizdi.



Joǵary qaraı