Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva onlaın petıtsııa biryńǵaı platformasyn qurý úshin negizgi talaptardy atady

2021 jyldyń 22 qańtar 2021 12:54

ALMATY. QazAqparat – QR Aqparat jáne qoǵamdyq damý mınıstri Aıda Balaeva Almaty qalalyq Qoǵamdyq keńes múshelerimen kezdesý kezinde onlaın petıtsııa biryńǵaı ınstıtýtyn qalyptastyrýǵa baǵyttalǵan ózgerister týraly zań jobasynyń negizgi baǵyttaryn atady, dep habarlaıdy QazAqparat tilshisi.

Birinshiden, zańnamada petıtsııa sózine túsinikteme beriledi (petıtsııa – ákimshilik organǵa elektrondy formada jiberilgen ujymdyq habarlama, usynys).

Ekinshiden, petıtsııany usyný, qaraý tártibi bekitiledi. Bul basqa protsedýralarǵa qaraǵanda ózgerek bolady.

Úshinshiden, petıtsııa boıynsha moderatsııa júrgiziledi.

Petıtsııa túskenshe memlekettik organ qujattyń talaptarǵa saı nemese saı emestigine baqylaý júrgizedi.

«Máselen, mátinde balaǵattaý, qaralaý nemese ekstremıstik maqsatqa shaqyrý, áleýmettik, ultaralyq, dinı alaýyzdyqqa aparatyn sóz bolmaýy kerek. Basqarý formasyn ózgertý, Respýblıkalardyń ákimshilik terrıtorııalyq qurylymyn ózgertý, ádil sot, raqymshylyq taǵy basqa taqyrypta petıtsııa bolmaıdy. Tyıym salynǵan taqyryptar «Referendým týraly Zańynyń» negizinde bekitilgen», - dedi Aıda Balaeva.

Tórtinshiden, petıtsııanyń qaralýy úshin berilgen oń daýystar sany QR Prezıdentiniń jarlyǵymen sanalady.

Besinshiden, petıtsııany qaraý kezinde birqatar sharany júzege asyrý kerek.

Atap aıtqanda, birinshi jetekshini petıtsııa atvorymen kezdestirip, arnaıy bólek jumys tobyn qurý kerek.

«Osyndaı sharalar petıtsııanyń mártebesin kóterip, qoǵamdyq mańyzyn arttyrady», - dedi mınıstr.

Altynshydan, petıtsııa boıynsha memlekettik organnyń birinshi jetekshisi sheshim qabyldaıdy.

Aıta ketý kerek, byltyr QR prezıdenti Qasym-Jomart Toqaev biryńǵaı zańdy onlaın petıtsııa ınstıtýtyn qurýdy tapsyrǵan bolatyn.


Joǵary qaraı