Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva: Azamattyq qoǵam memorgandar men ÚEU arasyndaǵy yntymaqtastyq úshin bedeldi alańǵa aınaldy

2020 jyldyń 23 qarasha 2020 10:49

NUR-SULTAN. QazAqparat - Azamattyq qoǵam memlekettik organdar men úkimettik emes uıymdar arasyndaǵy yntymaqtastyq úshin bedeldi alań retinde ózin kórsete bildi. Bul týraly búgin IX Azamattyq forým jumysyn bastap bergen QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Bizdiń mınıstrliktiń qoldaýymen Qazaqstannyń Azamattyq alıansy kúshimen ótkiziletin forým bedeldi ókildik retinde ózin kórsete bildi. Eń bastysy memlekettik organdarmen úkimettik emes uıymdar arasyndaǵy ózara tıimdi yntymaqtastyqty jolǵa qoıýdyń mańyzdy alańyna aınaldy», - dedi mınıstr.

Sonymen qatar ol elimizdiń úkimettik emes uıymdaryna qazirgi álemdik pandemııa jaǵdaıyna qaramastan jan-jaqty qoldaý kórsetilip otyrǵandyǵyn basa aıtty.

«Bul túrli ýaqytsha qıyndyqqa qaramastan bizdiń ózara is-qımylymyzdyń túrli salasyndaǵy uzaqmerzimdi múddelestikti bildiredi. Sondyqtan da bılik organdary, sarapshylyq qoǵamdastyq, iskerlik orta jáne azamattyq qoǵam ókilderi arasyndaǵy dıalogtyń bola beretindigine ári teń quqyly yntymaqtastyqty, senim men ál-aýqatty odan ary damytýǵa septigin tıgizerine kúmán keltirmeımin. Osy turǵyda jahandyq ózgerister dáýirindegi turaqty áleýmettik damýǵa túrli syn-tegeýirinderdi eńserý úshin birlesip sheshim izdeý eń ózekti mindetterdiń biri sanalady», - dedi Aıda Balaeva.


Joǵary qaraı