Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ahmet Baıtursynov týraly fılm túsirilip jatyr

2021 jyldyń 16 qarasha 2021 18:49

ALMATY. QazAqparat - Búgin Almatyda «Sońǵy úkim» fılminiń túsirilimi bastaldy, dep habarlaıdy QazAqparat.

Kartına QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń qoldaýymen shyǵarylýda.

Fılm qazaqtyń kórnekti aǵartýshysy, qoǵam qaıratkeri jáne saıası pýblıtsıst Ahmet Baıtursynovtyń týǵanyna 150 jyl tolýyna arnalǵan.

Túsirilim tobyn Erlan Nurmuhambetov pen Ergen Toqmýrzın basqarady. Nurmuhambetov «Jańǵaq aǵashy» fılmi úshin Pýsan halyqaralyq kınofestıvali (Ońtústik Koreıa) «Jańa aǵymdar» sektsııasynyń gran-prı ıegeri. Rejısserdiń «Ýaqyt joldary» atty sońǵy kartınasy osy jyly Frantsııada prokatqa shyqty. Onyń seriktesi Ergen Toqmýrzın kóptegen derekti fılmderdiń qoıýshy rejısseri bolǵan.

Kartınanyń sıýjeti Ahmet Baıtursynovtyń ómiriniń barlyq kezeńderin qamtıdy.

Basty rólde – Qazaqstannyń eńbek sińirgen qaıratkeri Azamat Satybaldy.




«Bul ult ustazy Ahmet Baıtursynov týraly fılm. Onyń ómiri, qoǵamdaǵy isteri jáne eń bastysy, onyń kúresi týraly. Memlekettiń arnaıy tapsyrysymen túsirilip jatqan úlken joba. Baıtursynov – bizdiń ulttyń maqtanyshy. Meniń oıymsha, bizdiń jas urpaq osyndaı fılmderdi kórýi tıis. Óıtkeni, Ahańnyń jasaǵan isteri, Alash Orda qaıratkerleriniń erligi – búgin kezdespeıtin batyldyq. Sondyqtan sol kezdegi oqıǵalardy zamanaýı kórermenge kórsetý kerek», - deıdi akter Azamat Satybaldy túsirilim alańynda jýrnalısterge bergen suhbatynda.

Sondaı-aq, kartınaǵa Nazgúl Qarabalına, Aleksandr Bagrıantsev jáne Erlan Káribaev túsýde.

Túsirilimniń negizgi lokatsııalary – Almaty qalasy jáne Shyǵys Qazaqstan oblysy. Qoıýshy operator – Mars Omarov. Bas prodıýser – Dastan Atyǵaev. Stsenarıı avtory – Ǵalym Dosken. Jyl sońyna deıin avtorlar 14 aýysymdy túsirýdi josparlap otyr. Fılmniń negizgi bóligi kelesi jyly túsiriledi.











Joǵary qaraı