Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Agroónerkásip kesheni ǵana elimizdiń azyq-túlik qaýipsizdigin qamtamasyz ete alady - Bektaev

2020 jyldyń 26 qazan 2020 18:03

NUR-SULTAN. QazAqparat - Saılaý naýqanynda «Aýyl» halyqtyq-demokratııalyq patrıottyq partııasy naqty usynystardy alǵa tartatyn bolady. Buǵan 120 myńnan astam respondent qatysatyn «El amanaty» jalpyulttyq saýalnamasy negiz bolady. Bul týraly «Aýyl» halyqtyq-demokratııalyq patrıottyq partııasy saıası keńesiniń otyrysynda partııa tóraǵasy Álı Bektaev aıtty, dep habarlaıdy QazAqparat tilshisi.

«Koronavırýs indeti kezinde adamdar qymbat kólik pen dúnıe-múliktiń qajeti joq ekenin túsindi. Agroónerkásip kesheni, azyq-túlik, óndiristik qaýipsizdik aldyńǵy orynǵa shyqty. Adamdarǵa eń aldymen qaýipsiz, taza azyq-túlik kerek. Agroónerkásip kesheni ǵana elimizdiń azyq-túlik qaýipsizdigin qamtamasyz ete alady. «Aýyl» partııasy saılaýǵa qatysýy kerek, sebebi bul - agrarlyq máseleler, aýyl turǵyndaryna qatysty problemalardy sheshýge atsalysyp júrgen jalǵyz partııa. Ózimiz jınaǵan tájirıbe bar. Aýyl sharýashylyǵyna qatysty sheshimi tabylmaǵan kóp másele bar ekeni belgili», - deıdi partııa tóraǵasy Álı Bektaev.

Onyń aıtýynsha, saılaýaldy úgit-nasıhat naýqanynda bul partııa naqty is júzinde usynystar aıtady.

«Eger bizdiń adamdar Parlament jáne máslıhatta bolsa, bul máselelerdi qandaı jolmen kóterýge bolatynyn bilemiz. Sol sebepti saılaýaldy naýqanda biz naqty usynystar aıtamyz. Buǵan 120 myńnan astam respondent qatysatyn «El amanaty» jalpyulttyq saýalnamasy negiz bolady», - deıdi ol.

Joǵary qaraı