Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ádilhan Erjanovtyń «Shtýrm» fılmi Rotterdam halyqaralyq kınofestıvalinde kórsetiledi

2022 jyldyń 19 qańtar 2022 08:50

NUR-SULTAN. QazAqparat - Qazaqstandyq rejısser Ádilhan Erjanovtyń «Shtýrm» fılmi 51-shi halyqaralyq Rotterdam kınofestıvaliniń negizgi baǵdarlamasyna endi, dep habarlaıdy QazAqparat.

Bul jaıynda Sháken Aımanov atyndaǵy «Qazaqfılm» kınostýdııasy málimet taratty.

Fılm Big Screen Competition baıqaýy aıasynda kórsetiledi, al festıvaldiń ózi 26 qańtar men 6 aqpan aralyǵynda onlaın rejımde ótedi.

«Shtýrm» — reseılik LOOKFILM jáne FORESTFILM kompanııalarynyń qoldaýymen ShortBrothers prodıýserlik kompanııasy túsirgen Qazaqstan-Reseı birlesken týyndysy.

Sondaı-aq jobany jasaýǵa «Qazaqfılm», Cinerental kınostýdııasy jáne áıgili Nomad Stunts kaskaderler toby atsalysty.

Basty rólderdi «Shákirt» jáne «Dvıjenıe vverh» fılmderi arqyly tanymal reseılik akterler Aleksandra Revenko men rejısserler Kım Drýjının jáne Andreı Shalopanyń «28 panfılovshy» jáne Alekseı Mızgırevtiń «Konvoı» fılmderinde basty rólde oınaǵan Azamat Nyǵmanov somdady.

Fılmniń akterlik quramynda Berik Aıtjanov, Danııar Alshynov, Nurlan Batyrov, Nurbek Muqyshev, Erken Ǵubashev jáne Erden Telemisov bar.

Fılmniń stsenarıı avtory jáne rejısseri - Ádilhan Erjanov. Prodıýserler Serik Ábishev, Olga Hlaeva, Aleksandr Plotnıkov, Borıs Hlebnıkov, Natalıa Drozd, Anna Tıhonova, Ablaıhan Áshimov, Jaıdarbek Kúnǵojınov.

Fılmniń sıýjeti boıynsha, Qaratastaǵy mektepti belgisiz bireýler basyp alady. Olar balalardy kepilge alady, biraq talap qoımaıdy.

Qarly boran saldarynan baılanys aqaýyna baılanysty jergilikti polıtsııa qaladan qosymsha kúsh suraı almaıdy.

J ergilikti ustaz Tazshy kómektiń kópke deıin kelmeıtinin túsinip, balalary kepilde otyrǵan ata-analardan quralǵan shabýylshylar tobyn jınaıdy.

Túnde olar shabýylǵa qatysty máselelerdi sheship, mańyzdy sheshim qabyldaýy kerek.


Avtor Janat Qapalbaeva
Basty sózder: Mádenıet, Óner,
Joǵary qaraı