Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ádiletti memlekette ár istiń ádiletti qaralýy mańyzdy – Aqylbek Kúrishbaev

2022 jyldyń 16 qańtar 2022 17:35

NUR-SULTAN. QazAqparat – QR Parlamenti Senatynyń depýtaty Aqylbek Kúrishbaev qasiretti qańtar oqıǵasyna qatysty óz oıyn ortaǵa saldy, dep habarlaıdy QazAqparat tilshisi.

«Ádiletti memlekette ár istiń ádiletti qaralýy mańyzdy. Bas prokýratýranyń halyq aldynda ashyq túrde málimdeme jasaǵany durys boldy. Halyq ay shyndyqty bilý kerek. Elde bolǵan jappaı tártipsizdikterdiń sebebi men saldary ashyq túrde zerttelýi tıis. Jáne halyqtyń onyń sebebin bilýge quqyǵy bar. Buzaqylyqtyń saldarynan qanshama adam zardap shegip, múlikke shyǵyn keldi. Árıne, aýyr jaıt. Alda aýqymdy jumys pen mindet tur», - dedi Aqylbek Kúrishbaev.

Sondaı-aq, halyq qalaýlysy jańa Qazaqstannyń damýyna ár azamattyń úles qosýy mańyzdy ekenin alǵa tartty.

«Memleket basshysy eldi qalpyna keltirý men bolǵan jaıttyń sebebin anyqtaýǵa qatysty naqty tapsyrma berdi. Endigi maqsat – Prezıdent anyqtap bergen josparǵa saı áreket etý», - deıdi ol.

Aıta ketsek, elimizdiń Bas prokýratýrasy tótenshe jaǵdaıdyń hronologııasyn jarııalap, jappaı tártipsizdikter saldarynan mert bolǵan jáne zardap shekkender týraly tolyq málimet berdi.

Eske sala ketsek, Memleket basshysy Almatyda qaza bolǵan beıbit turǵyndardyń naqty sanyn anyqtaýdy tapsyrǵan edi.

Odan bólek, Prezıdent mıtıngte ustalǵandarǵa qatysty jaýapkershilikti aýyrlatatyn mán-jaı bolmasa jazany jeńildetken jón ekenin eskertti.


Joǵary qaraı