Aýa raıy
Astana -10 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Ádilet mınıstrligi 10 jyl ázirlengen jańa kodeks týraly aıtty

2020 jyldyń 25 qarasha 2020 21:13

NUR-SULTAN. QazAqparat – IX Azamattyq forýmda QR Ákimshilik rásimdik-protsestik kodeksiniń negizgi artyqshylyqtary talqylandy, dep habarlaıdy QazAqparat tilshisi.

QR Ádilet mınıstri Marat Beketaevtyń aıtýynsha, QR Ákimshilik rásimdik-protsestik kodeksi 2021 jyldyń 1 shildesinde kúshine enedi.

«Bul úlken jáne mańyzdy qujat, biz ony uzaq ýaqyt boıy ázirledik. Bul Ádilet mınıstrliginiń ǵana jumysy emes, barlyq memlekettik organdardyń, sonyń ishinde Joǵarǵy sottyń jumysy. Jalpy, bizdiń elimiz bul zańǵa 10 jyldan astam ýaqyt boıy ázirlendi. Kelesi jyldyń 1 shildesinde kúshine enetin qujatqa úlken úmit artamyz. Qazir úlken daıyndyq, túsindirý jumystary júrip jatyr. Aqparattyq júıeler zańnyń jańa normalaryna sáıkes túzetiledi», - dedi Marat Beketaev.

Kodekstiń basty maqsattarynyń biri – azamattarǵa basqarý sheshimderin qabyldaý protsesine belsendi qatysýǵa múmkindik beretin kepildikterdi bekitý, azamattardyń quqyqtaryn qorǵaýdyń, joǵary organdardyń nemese sot bıligi organdarynyń daýlardy qarastyrýynyń tıimdi tetikterin ornatý.

«Osyǵan baılanysty kodeks eki negizgi baǵyttan turady: Ákimshilik rásimder jáne ákimshilik sot isin júrgizý. Birinshisi ishki jáne syrtqy ákimshilik rásimderdi, ekinshisi – kópshilik-quqyqtyq daýlar boıynsha sot isin júrgizýdi qamtıdy. Ákimshilik rásimderdi retteý boıynsha Kodekste mynadaı negizgi erejeler kózdelgen: Birinshisi – ákimshilik organ túsinigi bekitiledi. Bul ne úshin qajet? Eger memlekettik emes sýbekt azamattardyń quqyqtaryn iske asyrýǵa baǵyttalǵan sheshimder qabyldasa, ol Kodekstegi kepildikterdi saqtaýǵa mindetti. Ekinshi – zańdy tulǵalardy bılik sýbektileriniń qııanat jasaýynan qorǵaý boıynsha jańa qaǵıdattar engizilýde. Úshinshisi – bılik organdary azamattarǵa qatysty basqarý sheshimin qabyldaǵanda keri baılanysty qamtamasyz etetin rásimdik kepildikter bekitiledi», - dep túsindirdi Ádilet mınıstrligi Zańnama departamentiniń dırektory Arman Kenjeǵalıev.

Onyń aıtýynsha, negizgi ereje – bılik sýbektileri túpkilikti sheshim qabyldaý aldynda azamattyń pikirin tyńdaýǵa mindetti.

«Sonymen birge, kodeks daýlarǵa sotqa deıingi mindetti shaǵymdaný ınstıtýtyn engizedi. Shaǵymdardy qaraý protsesi jedeldetilgen túrde 20 kúnde júrgiziledi. Bul ınstıtýt azamattardyń máselelerin tez sheshýge, ýaqyt pen sot shyǵyndaryn únemdeýge múmkindik beredi. Kodeks erejelerin ázirleý jumysy sarapshylarmen jáne ǵalymdarmen túrli alańdarda talqylandy, Venetsııa komıssııasynyń oń qorytyndylary alyndy. Ákimshilik ádilet júıesin engizý memleket pen qoǵam arasyndaǵy qarym - qatynasqa jańa serpin beredi dep úmittenemiz»,- dedi A. Kenjeǵalıev.

Joǵary qaraı