Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Adam ómirin opasyzdyqpen qıǵan sodyrlar ádil jazasyn alýǵa tıis - senator

2022 jyldyń 17 qańtar 2022 09:46

NUR-SULTAN. QazAqparat – Beıbit negizde bastalǵan sherýshilerdiń zańdy talaptaryn óz paıdasyna asyrǵysy kelgen lańkester el ortasyna lań saldy. Bul týraly Senat depýtaty Dınar Nóketaeva aıtty, dep habarlaıdy QazAqparat.

«Ókinishti. Beıbit negizde bastalǵan sherýshilerdiń zańdy talaptaryn óz paıdasyna asyrǵysy kelgen lańkester, ury-qarylar el ortasyna lań saldy. Elimizdiń Táýelsizdiginiń otyz jyldyq tarıhyna qara daq túsirdi. Beıqam jatqan halyqtyń arasyna dúrbeleń saldy. Qanshama otbasy aýyr jaǵdaıǵa dýshar boldy. Jalǵyz asyraýshysynan aıyrylǵan otbasylardyń kóldeı bolǵan kóz jasy, jalǵyzyn jerlep ańyraǵan ata-analardyń qars aırylǵan júregine daýa bolar qandaı em bar?! Terrorlyq shabýyldan qıraǵan, órtengen strategııalyq mańyzy bar ǵımarattar, kólikter, tonalǵan saýda-sattyq ortalyqtary. Osyndaı orasan zardap shekken el. Bunyn báriniń oryny tolar, biraq, adam ómirin opasyzdyqpen qıǵan sodyrlar ádil jazasyn alýǵa tıis», - dedi D. Nóketaeva.

Onyń paıymynsha, osy turǵyda QR Bas prokýratýrasy men QR Densaýlyq saqtaý mınıstrliginiń ashyq aqparat derekteri boıynsha búgingi kúni zańdyq turǵydan aýqymdy is-sharalar atqarylyp jatyr.

«Buqaralyq aqparat quraldary osy oqıǵalar týraly birinshi kúnnen bastap kúni-túni barlyq aqparattardy, málimetterdi ashyq túrde berýde. Eń bastysy, tynyshtyq bolsyn! Bizdiń babalarymyz bastarynan qanshama qıyndyq keshse de, nebir aýyr zamandardy ótkizse de, el tynyshtyǵyn kóksegen, basynyń amandyǵyn tilegen, sondyqtan «El aman, jurt tynysh bolsyn» degen halqymyzdyń tilegi qabyl bolǵaı! El Prezıdenti el tynyshtyǵyn buzǵan sodyrlar men lańkesterdi toqtatý úshin zańdy sharalardyń barlyǵyn iske qosty. Qazir tynyshtyq ornady. Eń bastysy – halqymyzdyń birligi, memleketimizdiń turaqtylyǵy! Táýelsizdigimizdiń tuǵyrynyń myqty ári myzǵymas bolýy eń qymbat qazyna! Prezıdentimizben, halqymyzben birge bolaıyq!», - dedi senator.

Budan buryn habarlanǵandaı, Bas prokýratýra tártipsizdikter men terrorıstik shabýyldan qaza bolǵandardyń jalpy sanyn atady.

«Adam shyǵyny bolǵan oqıǵalardy tergep, tekserýge erekshe nazar aýdarylýda. Búgingi kúni 4 578 jábirlenýshi anyqtaldy. Onyń 4 353-i jaralandy. Onyń ishinde 3 393 quqyq qorǵaý organdarynyń qyzmetkerleri. Tótenshe jaǵdaı kezinde morgterge qazaq tapqan 225 adam jetkizildi. Olardyń bir bóligi terraktilerge qatysqan, ǵımarttar men quqyq qorǵaý qyzmetkelerine shabýyl jasaǵan qarýly bandıtter. Qaza bolǵandardyń ishinde 19 polıtsııa jáne ásker qyzmetkerleri de bar. Atalǵan derekter aldyn ala sıpatta. Olar áli naqtylanyp jatyr, ózgerýi de múmkin. Degenmen, árbir fakt muqııat tekseriledi, nátıjesi boıynsha quqyqtyq baǵa beriledi», - dedi QR Bas prokýratýrasy qylmystyq qýdalaý qyzmetiniń bastyǵy Serik Shalabaev.

Sonymen qatar Bas prokýratýra oqıǵanyń tolyq hronologııasyn jarııalady.


Avtor Rýslan Ǵabbasov
Basty sózder: Almaty tragedııasy, Senat,
Joǵary qaraı