Aýa raıy
Astana -11 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Adam óltirgen 27 jastaǵy jigitti qyzmettik ıt ustap berdi

2020 jyldyń 25 qazan 2020 05:35

PETROPAVL. QazAqparat – Soltústik Qazaqstan oblysynda 58 jastaǵy er adamdy óltirgen qylmyskerdi qyzmettik ıt ustap berdi, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, Aqqaıyń aýdanynda 58 jastaǵy er adamdy óz páterinde pyshaqtap ketken. Aýdandyq polıtsııa bóliminiń qyzmetkerleri kúdiktini anyqtady. Alaıda birer úıden keıin turatyn 27 jastaǵy jastaǵy jigit turǵylyqty jerinde bolmaı shyqty.

Kúdiktini anyqtaý úshin Esil aýdanynan kınolog shaqyrtylyp, ol qyzmettik ıtimen birden izge tústi. Eldi meken kósheleriniń birinde kúdikti tártip saqshylaryn baıqap qalyp qashqanymen, kóp uzamaı ustaldy. Qazirgi tańda qylmystyq is sotqa berildi.

Qylmysty ashýǵa kómektesken Amýr atty nemis ovcharkasyna 3,5 jyl ǵana. Esil aýdandyq polıtsııa bóliminiń kınolog-ınspektory, polıtsııanyń aǵa leıtenanty Vıktor Reıbandt bul ıtpen eki jyldan beri jumys isteıdi. Osy aralyqta onyń kómegimen 18 qylmys ashyldy. Negizinen urlyqqa qatysty.

«Amýr tájirıbeli ıtterdiń sanatynda. Іz kesýge úıretilgen ol qylmyskerdi de ózi toqtata alady. Biraq bul joly eldimeken kóshesinde adam kóp bolǵandyqtan, tártip saqshylary kúdiktini ózderi ustady. Asa aýyr qylmysty «izin sýytpaı» ashýǵa kómekteskeni úshin alty jyldyq eńbek ótili bar Vıktor Reıbandt marapattaldy», - deıdi SQO PD Kınologııalyq qyzmet ortalyǵynyń bastyǵy Samat Tólebaev.

Jyl basynan SQO-da qyzmettik ıtterdiń kómegimen 730 túrli qylmys ashyldy. Onyń jartysy urlyqqa qatysty. Sondaı-aq ıtter 18 qaraqshylyq shabýyldy jáne 4 kisi ólimine baılanysty qylmysty ashýǵa kómektesti.


Joǵary qaraı