Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Adam quqyqtary jónindegi ýákilge qatysty qandaı shekteýler bolady

2021 jyldyń 13 qazan 2021 17:15

NUR-SULTAN. QazAqparat – Májiliste zań jobasyn tanystyrý kezinde depýtat Irına Ýnjakova Adam quqyqtary jónindegi ýákilge qatysty shekteýler engiziletinin aıtty, dep habarlaıdy QazAqparat tilshisi.

«Ýákil saıası qyzmetke qatyspaýy kerek jáne partııa múshesi bolmaýy tıis. Zań jobasynda onyń memlekettik qyzmette bolmaý kerektigi jazylǵan.

Sonymen birge, Venetsııa ustanymdaryna sáıkes, memleket bıýdjettik jetkilikti qarjylandyrýdy qamtamasyz etýi kerek. Sondyqtan bul máseleni biz qarastyramyz jáne ony retteý qadamdary eskeriledi», - I. Ýnjakova Májiliste «Qazaqstan Respýblıkasyndaǵy Adam quqyqtary jónindegi ýákil týraly» zań jobasyn tanystyrý kezinde.

Budan buryn habarlanǵandaı, Adam quqyqtary jónindegi ýákildiń mártebesin kóteretin qadamdar iske asyrylady.

«Zań jobasynda derbes quqyqtylyqqa ıe bolý sııaqty qosymsha bar. Bul óz kezeginde osy qyzmet úshin mańyzdy. ıAǵnı Ýákil tutqyndalmaıdy, qamaýǵa alynbaıdy, qylmystyq ári ákimshilik jaýapqa tartylmaıdy, sondaı-aq oǵan qatysty tintý men jeke tekserý de júrgizilmeıdi», - dedi depýtat.

Aıta keteıik, Adam quqyqtary jónindegi ýákildiń qyzmetine aralasqandarǵa ákimshilik jaza qarastyrylǵan.



Avtor Rýslan Ǵabbasov
Basty sózder: Parlament, Adam quqyǵy, Zań,
Joǵary qaraı