Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Adam quqyqtary jónindegi ýákil memlekettik organdarǵa esep bermeıdi

2021 jyldyń 13 qazan 2021 16:35

NUR-SULTAN. QazAqparat – Adam quqyqtary jónindegi ýákil táýelsiz bolady jáne qandaı da bir memlekettik organdar men laýazym ıelerine esep bermeıdi. Bul týraly Májiliste depýtat Irına Ýnjakova málim etti,dep habarlaıdy QazAqparat tilshisi.

Búgin Májiliste «Qazaqstan Respýblıkasyndaǵy Adam quqyqtary jónindegi ýákil týraly» zań jobasyn ilespe túzetýlerimen tanystyrý kezinde Ýákildiń mártebesi qaraldy.

«Adam quqyqtary jónindegi ýákil qyzmetin qandaı da bir jolmen shekteýge tyıym salynady. Ol táýelsiz bolady jáne qandaı da bir memlekettik organdarǵa jáne laýazym ıelerine esep bermeıdi», - dedi I. Ýnjakova zań jobasyn tanystyrý kezinde.

Budan buryn habarlanǵandaı, Adam quqyqtary jónindegi ýákildiń mártebesin kóteretin qadamdar iske asyrylady .

«Zań jobasynda derbes quqyqtylyqqa ıe bolý sııaqty qosymsha bar. Bul óz kezeginde osy qyzmet úshin mańyzdy. ıAǵnı Ýákil tutqyndalmaıdy, qamaýǵa alynbaıdy, qylmystyq ári ákimshilik jaýapkershilikke tartylmaıdy, sondaı-aq tintý men jeke tekserýmen qamtylmaıdy», - dedi depýtat.


Avtor Rýslan Ǵabbasov
Basty sózder: Adam quqyǵy, Zań, Parlament,
Joǵary qaraı