Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Abylaı Myrzahmetov: Bıznes aqshasyn joǵaltsa, adamdar densaýlyǵyn, ómirin joǵaltyp jatyr

2021 jyldyń 28 shilde 2021 19:34

NUR-SULTAN. QazAqparat – Qazir kásipkerlerge shekteý sharalary úshin ótemaqy alǵannan, Ashyq júıesine kirip tabys tapqan tıimdi. Al ol úshin vaktsınatsııa máselesin birjola sheshý kerek. «Atameken» ulttyq kásipkerler palatasynyń basqarma tóraǵasy Abylaı Myrzahmetov osyndaı pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetinde BAQ ókilderi Kásipkerler palatasynyń basqarma tóraǵasynan karantın shekteýleriniń kesirinen jumysy toqtaǵan kásiporyn qyzmetkerlerine kim aılyq tóleıtinin surady.

«Qazir kásipkerlik nysandarynyń jumysyna 100 paıyz shekteý qoıylyp otyrǵan joq. Sondyqtan ótemaqy tóleý týraly máseleni qalaı kótere alamyz? Iá, bıznesmender ondaı másele kóterip jatyr. Biraq bir aptadan keıin jaǵdaıdy jaqsartamyz. 2 tamyzda kúshine enetin jańa qaýly tipti keıbir saladaǵy kásiporyndardyń jumys ahýalyn jaqsartady. Buǵan deıin olar tolyq shekteýde boldy jáne ótemaqy tóleý máselesin kóterýge quqyly bolatyn. Endi olarǵa Ashyq júıesine kirip jumys isteýge múmkindik berilip otyr. Bir apta jumys istep kóreıik. Biz ahýalǵa monıtorıng júrgizip otyrmyz, bıznespen udaıy baılanystamyz», - dedi palata basshysy.

Abylaı Myrzahemteov shekteý kesirinen aılyqtyń bir bóliginen qaǵylǵan kásiporyn jumysshylarynyń máselesine de toqtaldy.

«Shekteýlerdiń bári demalys kúnderine qatysty. Al demalys kúni kásiporyndardyń bári jumys isteı bermeıdi. Bálkim qoǵamdyq tamaqtaný oryndary zardap shekken shyǵar. Eki aptanyń demalys kúnderinde qoıylǵan shekteýden bolyp qyzmetkerler sondaı bir orasan aqshadan qaǵyldy dep oılamaımyn. Bıznes qazir ahýaldyń kúrdeli ekenin túsinip otyr. Taǵy da aıtamyn. Men áýel basta aıtqanmyn. Bárimizge jaýapty bolý kerek. Túsinemin, bıznesmen aqshasyn joǵaltyp jatyr. Biraq myna jaqta adamdar ómirin, densaýlyǵyn joǵaltyp jatyr. Sondyqtan syn-qater bızneske ǵana emes, bárimizge túsip otyr», - dedi Ulttyq ákispkerler palatasynyń basqarma tóraǵasy.

Sondaı-aq, jumys berýshilerdi vaktsıanalaý máselesine jaýapkershilikpen qaraýǵa úndedi.

«Men bıznesmen áriptesterimdi eki apta shekteýmen jumys istep kórýge shaqyramyn. Osy merzimde ahýal jaqsarsa, jeńildikter týraly másele kóteremiz. Qalaı bolsa da, bizge vaktsınatsııa máselesin sheshý kerek. Ol máseleni sheshpesek, qaıta-qaıta shekteýge tap bola beremiz. Mundaı túsiniksizdik bızneske shekteýden de kóp shyǵyn ákeledi. Óıtkeni, erteń ne bolatynyn bilmeıtin kásipker tabysy men shyǵynyn da durys josparlaı almaıdy», - dedi Abylaı Myrzahmetov.


Joǵary qaraı