Aýa raıy
Astana 1 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ábý-Dabıde «Abaı» mádenı-tanymdyq zaly ashyldy

2020 jyldyń 24 qyrkúıek 2020 16:46

ÁBÝ-DABI. QazAqparat – Qazaq halqynyń uly aqyny, fılosofy Abaıdyń 175 jyldyǵyn merekeleý aıasynda búgin Birikken Arab Ámirlikterindegi Qazaqstan Elshiliginiń ǵımaratynda «Abaı» mádenı-tanymdyq zaly ashyldy, dep habarlaıdy QazAqparat tilshisi.

QR Syrtqy ister mınıstrliginen málim etkendeı, QR Mádenıet jáne sport mınıstrliginiń qoldaýymen ótken is-sharaǵa QR Ulttyq akademııalyq kitaphanasy men Jazýshylar odaǵynyń basshylyǵy, Ámirlikterdegi otandastarymyz ben birqatar shet memleketterdiń elshileri, sondaı-aq qoǵam qaıratkerleri men BAQ ókilderi qatysty.




Ashylý saltanatynda sóz sóılegen Qazaqstannyń Elshisi Madııar Meńilbekov «Abaı» mádenı-tanymdyq zaly qazaq halqynyń ádebı murasyn sheteldegi otandastarymyz arasynda dáripteýge, jergilikti oqyrman qaýymdy qazaq klassıginiń shyǵarmalarymen tanystyrýǵa mol úlesin qosatynyn jetkizdi.

Qazaqstandyq dıplomat elimizdiń Tuńǵysh Prezıdenti – Elbasy N.Nazarbaevtyń bastamasymen qolǵa alynǵan «Rýhanı jańǵyrý» baǵdarlamasyn tilge tıek etip, sonyń aıasynda ulttyq mádenıetimiz ben ónerimizdi, Abaı bastaǵan qazaq ádebıetiniń jaýqazyndaryn álemge pash etýdiń asa mańyzdy ekenin málimdedi.




Osy rette, Elshi M.Meńilbekov Memleket basshysy Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasyna toqtalyp: «Jańa qoǵamnyń janashyry, álemdik mádenıettiń tulǵasy bolyp tabylatyn uly aqyn Abaı Qunanbaıulyn elimizdiń brendi retinde halyqaralyq qoǵamdastyqqa keńinen tanystyrý – bizdiń mártebeli de jaýapty mindetimiz», – dep atap ótti.

«Abaı» mádenı-tanymdyq zalynda oqyrmandar aqynnyń ómiri men shyǵarmashylyǵyna arnalǵan qazaq, arab jáne aǵylshyn tilderindegi týyndylarmen tanysa alady. Sonymen qatar, atalǵan zal Qazaqstan men Ámirlikter arasyndaǵy mádenı yntymaqtastyq máselelerine arnalǵan ǵylymı baǵyttaǵy túrli jıyndardy, baspasóz konferentsııalary men basqa da resmı is-sharalardy uıymdastyrýmaqastynda qoldanylady.











Joǵary qaraı