Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ábish Kekilbaev povesiniń jelisimen túsirilgen fılm halyqaralyq kınofestıvalge qatysady

2021 jyldyń 17 qyrkúıek 2021 10:03

NUR-SULTAN. QazAqparat - Rejısser Jańabek Jetirýovtyń «Shyńyraý» kórkem fılmi Reseıde ótetin XXVII Halyqaralyq «Ádebıet jáne kıno» kınofestıvaliniń negizgi baıqaýyna qatysady, dep habarlaıdy QazAqparat Sh.Aımanov atyndaǵy «Qazaqfılm» kolmpanııasynyń baspasóz qyzmetine silteme jasap.

Gatchına qalasynda qyrkúıektiń 24-i men qazannyń 2-si aralyǵynda ótetin festıval sheńberinde ádebı negizi bar, jazýshylardyń shyǵarmalary jelisimen túsirilgen kınotýyndylar ǵana kórsetiletinin aıta ketken jón.

Esterińizge sala ketsek, Ábish Kekilbaevtyń povesi «Shyńyraýdyń» jelisi boıynsha túsirilgen kartına qudyq qazýshy Eńseptiń oqıǵasyn baıandaı otyryp, menmendik, baqtalastyq, mahabbat, dostyq, qastandyq syndy adamǵa tán qubylystardy kóteredi.

«Ábish Kekilbaevtyń «Shyńyraý» povesi jelisimen túsirilgen fılm dúnıejúzine esimderi belgili Tolstoı, Chehov, Dostoevskıı, Kafka sııaqty uly jazýshylardyń shyǵarmasy boıynsha túsirilgen fılmdermen bir konkýrstyq baǵdarlamada kórsetiletinine qýanyshtymyn», - dedi rejısser Jańabek Jetirýov.

Aıta ketsek, «Ádebıet jáne kıno» kınofestıvali eń alǵash 27 jyl buryn 1995 jyly Gatchına qalasynda ótken bolatyn. Festıval sheńberinde jyl saıyn reseılik jáne álemdik jańa fılmder kórsetiledi.

Qyrkúıektiń 24-de atalǵan festıval Alekseı Telnovtyń «Arhıpelag» fılmimen ashylady. Negizgi baıqaýǵa barlyǵy 24 týyndy qatysady.

QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen «Shyńyraý» kórkem fılmi qyrkúıektiń 28-i kúni saǵat 19:00-de «Pobeda» kınokontsert zalynda (Gatchına q-sy, 25-shi Oktıabr kósh., 5 úı) kórsetiledi.


Basty sózder: Mádenıet,
Joǵary qaraı