Aýa raıy
Astana -12 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Ábilqaıyr Sqaqov Pavlodar kóshelerindegi qar shyǵarý jumysyn synǵa aldy

2020 jyldyń 23 qarasha 2020 07:33

PAVLODAR. QazAqparat - Pavlodar oblysynyń ákimi qala kóshelerin aralady. Alaıda, kommýnaldyq qyzmetterdiń qar shyǵarý jumystaryna onyń kóńili tolmady, dep habarlaıdy QazAqparat.

Aımaq ákimdigi baspasóz qyzmetiniń málimetinshe, óńir basshysy Pavlodar qalasynyń ákimi Erjan Imanslıammen birge 22 qarasha, jeksenbi kúni keshke oblys ortalyǵynyń kóshelerin aralap shyqty. Olar Kataev kóshesiniń boıyndaǵy qar úıindileri shyǵarylmaı jatqanyn baıqady.

- Biz merdigerlerden sapaly jumys talap etemiz. Qar túskennen keıin qala 2-3 kún ishinde tazartylýy tıis, kóshelerde 10 kún buryn jaýǵan qalyń qar áli úıilip jatyr. Kóktaıǵaqqa qarsy qospany shashý, júrý bóligin qardan tazalaý jáne kóshe boıyn sypyrý boıynsha másele joq, al qardy polıgondarǵa shyǵarý boıynsha jumystar oryndalmaǵan. Kommýnaldyq qyzmetterge qalany qardan tazartý úshin aqy tólenedi, olarǵa talapty durystap qoıý kerek, - dedi Ábilqaıyr Sqaqov qala basshysyna.

Oblys ákimi áńgimelesken kommýnaldyq qyzmet brıgadalary Kataev kóshesinen jınalǵan qar dúısenbi kúni tańerteń shyǵarylatynyn aıtty.

Sonymen qatar, jumysshylar Amangeldi, Akademık Marǵulan jáne Akademık Bekturov kóshelerin tazartyp úlgerýi kerek.

Óńir basshysy oblys ortalyǵynyń tazalyǵyna jaýapty merdiger uıymdarǵa narazylyq talaby qoıylyp, olardyń jumysyn muqııat baqylaýǵa alýdy tapsyrdy.














Avtor Janat Qapalbaeva
Basty sózder: Aımaq, Ákim, Pavlodar oblysy,
Joǵary qaraı