Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Abaqty qabyrǵasynda Nelson Mandelanyń sýreti paıda boldy

2021 jyldyń 16 shilde 2021 10:48

NUR-SULTAN. QazAqparat – 18 shilde – Halyqaralyq Nelson Mandela kúnine oraı penıtentsıarlyq mekemelerde sottalǵandarǵa arnap keskindemeden sheberlik sabaǵy uıymdastyryldy, dep habarlaıdy QazAqparat.

Qylmystyq atqarý júıesi komıteti sharany Birikken Ulttar Uıymynyń qoldaýymen ótkizdi.

Vedomstvonyń baspasóz qyzmetiniń habarlaýynsha, sheberlik saǵaty pılottyq joba boıynsha jumys istep turǵan eki penıtentsıarlyq mekemede ótken.

Onyń biri gıbrıdti formatta uıymdastyrylyp, beınebaılanys arqyly Qazaqstannyń túkpir-túkpirinen qosymsha 20 penıtentsıarlyq mekeme qosylǵan.

Sheberlik sabaǵyn belgili qazaqstandyq sýretshi Ashat Ahmedıarov ótkizdi.

«Óner arqyly sottalǵandar art-terapııadan ótti. Óner – rýhanı tazarýdyń bir elementi. Salynǵan sýretterdegi oılar men maqsat-tilekter shyn júrekten shyqty. Oılanýǵa negiz beretin keremet jumystar bar. Bas bostandyǵy shekteýli oryndaǵy adamnyń jan tebirenisi, alańdaıtyn máselesi, sezimi bar sýretterde. Eń bastysy - sýretterden erteńge degen úmit kórdim. Bul óte mańyzdy», - deıdi sýretshi.








Qazaqstanda kolonııa qabyrǵasyna birlesken mýral salý áreketi birinshi ret iske asyp otyr.

«Bul jumys BUU-nyń tutqyndarǵa qatysty mınımaldy standartty erejelerimen baılanysty. Nelson Mandela tutqynda bolǵanda osy qaǵıdattyń iske asýyna túrtki bolǵan desedi. Mýraldy salýǵa maǵan sottalǵandar kómektesti. Olar úshin bul ózindik psıhologııalyq ońaltý boldy dep úmittenemin», - deıdi qylqalam sheberi.





Eske salsaq, «Penıtentsıarlyq júıe jańa jaǵdaıda» atty halyqaralyq onlaın-forýmda Qylmystyq atqarý júıesi komıteti tóraǵasynyń orynbasary Meıram Aıýbaev bul istegi Nelson Mandelanyń 20 erejesin eldiń Qylmystyq-atqarý kodeksine engizý týraly usynys jasaǵan bolatyn.


Avtor Esimjan Naqtybaı
Basty sózder: Zań, QR ІІM, Óner, Mádenıet,
Joǵary qaraı