Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

990 myńnan astam adam ataýly áleýmettik kómek aldy - Eńbek mınıstrligi

2022 jyldyń 26 qańtar 2022 10:40

NUR-SULTAN. QazAqparat - 2022 jylǵy 1 qańtardaǵy jaǵdaı boıynsha 198,4 myń otbasyndaǵy 990,5 myń adamǵa ataýly áleýmettik kómek (budan ári – AÁK) taǵaıyndaldy. Osy maqsatqa bıýdjetten 68,5 mlrd teńge bólindi, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boıynsha jumys júrgizilýde.

2022 jylǵy 1 qańtarda AÁK alýshylar qataryndaǵy 1 jastan 6 jasqa deıingi 259,4 myń balaǵa azyq-túlik jáne turmystyq hımııa jıyntyǵy túrinde áleýmettik toptama taǵaıyndaldy.

Esterińizge sala keteıik, AÁK alýshylarǵa TJ tártibi men karantındik shekteý sharalarynyń qoldanylýyna baılanysty 2020 jylǵy II, III jáne IV toqsandarda, sondaı-aq 2021 jylǵy I, II toqsandarda, 2022 jylǵy I toqsanda kómek taǵaıyndaý uzartyldy.

Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondyq úkimet portaly arqyly bere alady.


Joǵary qaraı