Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

90-shy jyldardaǵydaı: Elordalyq depýtattar taksı qyzmetin synǵa aldy

2021 jyldyń 2 jeltoqsan 2021 23:22

NUR-SULTAN. QazAqparat – Qalalyq máslıhat depýtattary elordadaǵy taksı qyzmetiniń sapasy syn kótermeıtinin alǵa tartty, dep habarlaıdy QazAqparat tilshisi.

«Taksı - ózimiz ǵana emes, elordaǵa shetelden keletin qonaqtar da qoldanatyn kólik túri. Búginde jaǵdaıy óte nashar. Biz basqa elderge barǵanda taksı qyzmetiniń qalaı jumys isteıtinin kórip júrmiz. Bizdegi tasymaldaýshylardyń ózi tolyq resmı emes. Áýejaıdan shyqqanda taksometr qyzmeti joq. Baıaǵy 90-jyldardaǵydaı «taksı, taksı» dep bireýler aıqaılap turady. Bul - elordanyń deńgeıi emes», - dedi qalalyq máslıhat depýtaty Vladıslav Sergeev.

Sondaı-aq, halyq qalaýlylary elordada taksı qyzmetine baqylaý joqtyǵyn alǵa tartty.

«Taksı boıynsha problema bar. Jáne problema astananyń ajaryn ashyp turǵan joq. Shetelden kelgen qonaqtar bul máselege jıi tap bolyp júr. Keıde tipti Keńes zamany ózgermegen sekildi. Árıne, taksıletip kún kórip júrgen azamattardy da oılaý kerek. Sondyqtan máseleni júıeli qarastyrý kerek, halyqaralyq tájirıbeni de eskergen jón», - deıdi depýtat Azamat Aıtǵojın.

Odan bólek, depýtattar taksı qyzmetin damytýdyń tujyrymdamasyn túzý kerektigin aıtyp ótti.

Atalǵan máselege qatysty Nur-Sultan qalasy kólik jáne jol-kólik ınfraqurylymyn damytý basqarmasy basshysynyń orynbasary Erjan Dıhanbaev pikir bildirdi.

«Qazir biz resmı taksı qyzmetine arnaıy kıim satyp alýǵa, taksometr jáne árbir avtomobılde bolýy tıis basqa da qajetti zattardy ornatýǵa ýaqyt berdik. Bul jumys júrip jatyr. Sondaı-aq, biz qalalyq ınvestıtsııalar jáne damý basqarmasynan taksı kompanııalaryn memlekettik-jekemenshik áriptestik boıynsha qarjylandyrýdy qolǵa alǵymyz kelip otyr. Óz qaramaǵymyzǵa alsaq, qaladaǵy taksı qyzmetiniń jaqsyrýyna oń áser etemiz dep úmittenemin», - dep túsindirdi Erjan Dıhanbaev.

Jáne basqarma ókili kelesi jyldyń ortasyna deıin atqarylǵan jumys boıynsha esep berýge ýáde berdi.


Joǵary qaraı