Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

9 myń shaqyrym júrgen frantsýz velosaıahatshysy saparyn Almatyda aıaqtady

2021 jyldyń 17 qyrkúıek 2021 12:51

ALMATY. QazAqparat - Frantsııanyń Renn qalasy men Almaty baýyrlastyǵynyń 30 jyldyǵy aıasyndaǵy velosherý aıaqtaldy, dep habarlaıdy QazAqparat tilshisi.

Bıyl Almaty qalasy men Frantsııanyń Bretan aımaǵynyń astanasy Renn qalasy arasyndaǵy baýyrlastyqqa 30 jyl toldy. Osyǵan oraı, 44 jastaǵy Loran Mae óz elinen Almaty qalasyna deıin velosherý ótkizdi.

3,5 jarym aı ishinde 9 myń shaqyrym júrip ótken saıahashty velosherýin Almaty qalasynda aıaqtady.

Saıahatshyny qalaǵa kire beriste «Almaty Cycling Team» kontınentaldy komandanyń velosıpedshileri qarsy alyp, «Qazaqstannyń Táýelsizdigi» monýmentine alyp bardy. Ol jerde qala ákimshiligi ony qarsy aldy. Almaty qalasy ákiminiń orynbasary Erjan Babaqumarov Almaty men Renniń arasyndaǵy baýyrlastyq Táýelsizdiktiń tańynda, 1991 jyly bastalǵanyn atap ótti. Óz kezeginde velosaıahatshy Loran Mae Renn qalasynyń meri Natalı Apperdiń hatyn oqyp berdi.




«Baýyrlastyǵyna 30 jyl tolǵan Renn men Almaty yntymaqtastyq pen dostyqty odan ári nyǵaıtýǵa nıetti. Loran Maeniń erligi – osynyń aıqyn dáleli. Baýyrlastyǵymyz, dostyǵymyz nyǵaıa bersin», - dedi Frantsııanyń Bas konsýly Aleksıs Shahtahtınskıı.

«Almaty-Renn jáne álem qalalary dostyǵy qoǵamynyń» vıtse-prezıdenti Aıgúl Qasymbek eki qala arasyndaǵy dostyqty nyǵaıtý maqsatynda qandaı sharalardyń júzege asyrylyp jatqanyn jetkizdi. Onyń aıtýynsha, Almaty mektepteri men joǵary oqý oryndarynda frantsýz tili úıretiledi.

Aıta keterligi, Loran Mae 15 jasynan bastap Uly Jibek jolyn kórýdi jáne onymen júrip ótýdi armandaǵan eken.

«Qazaqstanǵa kelgen boıda bári jaqsy ótip jatyr. Men Shymkent, Taraz, Túrkistan, Shý qalalarynda boldym jáne qazaqtardyń meni óte jyly qarsy alǵanyn aıtqym keledi. Eýropada bolǵanymda jańbyr kóp jaýdy, keıde qar astynda qalǵan kezderim boldy. Biraq, Qazaqstanǵa kelgennen keıin barlyq qıyndyqtar men qolaısyz aýa raıy artta qaldy. Men velosıpedpen saıahatqa shyqqan kezde úsh maqsatty aldyma qoıdym. Renn-Almaty qalalarynyń 30 jyldyq baýyrlastyǵyn, Qazaqstan Respýblıkasy Táýelsizdiginiń 30 jyldyǵyn atap ótý jáne sizdiń eldi kórý jónindegi kópten bergi armanymdy iske asyrý. Sonyń barlyǵy oryndaldy», - dedi Loran Mae.





Joǵary qaraı