Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

81 jastaǵy qarııa gazǵa ýlanyp qaldy - Atyraý

2022 jyldyń 24 qańtar 2022 01:02

ATYRAÝ. QazAqparat – Atyraý oblysynda 81 jastaǵy qarııa gazǵa ýlanyp, aýrýhanaǵa tústi, dep habarlaıdy QazAqparat.

Oblystyq tótenshe jaǵdaılar departamentiniń baspasóz qyzmetinen málim etkendeı, 23 qańtarda Jylyoı aýdanynda jeke ıeliktegi úıdiń jylytý peshinen aqaý shyqqan.

Bul týraly saǵat 18:12-de habar túsken.

«Jylyoı aýdanynyń ortalyǵy – Qulsary qalasyndaǵy Nurmanov kóshesinde ornalasqan jeke úıde 1941 jylǵy qarııa ýly gazǵa ýlanyp qaldy. Sonyń saldarynan 81 jastaǵy qarııa aýdandyq ortalyq aýrýhanaǵa tústi. Dárigerler oǵan ortasha aýyrlyqtaǵy ýlaný dıagnozyn qoıdy», -dep habarlady departamenttiń baspasóz qyzmeti.

Oqıǵa ornynda departamenttiń Jylyoı aýdandyq bóliminen 1 qyzmetker, «Jylyoıgaz» JShS-nen 2 qyzmetker men 1 tehnıka jumyldyryldy.

Eske sala ketelik, budan buryn Atyraýda 9 jasar bala joǵalyp ketip, keıinnen onyń denesi sýdan tabylǵanyn jazǵan edik.


Avtor Bek Mustafa
Basty sózder: Atyraý oblysy, Oqıǵa,
Joǵary qaraı