Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

7 jeltoqsanda elordada ótetin mańyzdy sharalar ańdatpasy

2021 jyldyń 6 jeltoqsan 2021 21:49

NUR-SULTAN. QazAqparat – «QazAqparat» Halyqaralyq aqparat agenttigi 7 jeltoqsan kúni elordada ótetin mańyzdy sharalar ańdatpasyn usynady.

9.00-de «Atameken» Ulttyq kásipkerler palatasy «Altyn sapa» baıqaýynyń jeńimpazdaryn marapattaý rásimin ótkizedi.

10.00-de Beıbitshilik jáne kelisim saraıynda QR Táýelsizdiginiń 30 jyldyǵy qarsańynda «Konfessııaaralyq kelisim – Qazaqstan Táýelsizdiginiń negizi» atty halyqaralyq konferentsııa ótedi.

11.00-de Qazaqstandaǵy Belarýs elshiligi qos memlekettiń 30 jyldyq turaqty ári senimdi seriktestigi týraly brıfıng ótkizedi.

12.30-da QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń Joldaýy aıasynda Jambyl oblysynyń damýy týraly» baspasóz máslıhaty ótedi. Spıker: Jambyl oblysynyń ákimi Berdibek Saparbaev. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.

15.00-de Dostyq úıinde «Otandastar qory» KeAQ qalamger qandas, aqyn, «Tulǵa-dostyq» qoǵamdyq qorynyń dırektory Murathan Shoqannyń «Qandastar úlesi» atty jańa kitabynyń tusaýkeserin ótkizedi.

15.00-de QR Tuńǵysh Prezıdenti – Elbasy kitaphanasynda Qazaqstan Respýblıkasy Táýelsizdiginiń 30 jyldyǵyna arnalǵan buqaralyq aqparat quraldary qyzmetkerleri arasynda uıymdastyrylǵan «Qazaqstan Táýelsizdigi jáne Elbasy» halyqaralyq konkýrsynyń jeńimpazdaryn saltanatty marapattaý rásimi ótedi.

15.00-de «Hilton Astana» qonaqúıinde qazaqstandyq bıznes jáne sheteldik ınvestorlar qaýymdastyǵy úshin Táýelsizdiktiń otyz jyldyǵyna arnalǵan basty oqıǵalardyń biri – jahandyq ınvestıtsııalar boıynsha jyl saıynǵy tórtinshi dóńgelek ústel otyrysy («Kazakhstan Global Investment Roundtable» - KGIR) ótedi.

15.00-de L.N. Gýmılev atyndaǵy Eýrazııa ulttyq ýnıversıtetiniń «Otyrar» kitaphanasynda «Adaldyq - ardyń isi» atty respýblıkalyq tájirıbelik dóńgelek ústel otyrysy ótedi.

17.00-da QR Prezıdenti janyndaǵy Ortalyq kommýnıkatsııalar qyzmetinde «2 mlrd aǵash otyrǵyzý jumystarynyń barysy týraly» baspasóz máslıhaty ótedi. Spıkerler: QR Ekologııa, geologııa jáne tabıǵı resýrstar mınıstrliginiń vıtse-mınıstri Álııa Shalabekova; QR Ekologııa, geologııa jáne tabıǵı resýrstar mınıstrliginiń orman sharýashylyǵy jáne janýarlar dúnıesi komıteti tóraǵasynyń mindetin atqarýshy Erlan Qutpanbaev. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.

19.00-de «Úsh nemis sonatasy» úrlemeli mýzyka keshi ótedi. Tanymal qazaqstandyq mýzykanttar Janar Jyltyrkózova (fleıta), Almaz Toqpanov (klarnet), Qalqaman Dúısenbaev (valtorna), Ulan Qulmametov (fortepıano) úsh nemis kompozıtorynyń úrlemeli aspaptarǵa arnalǵan sonatalaryn oryndaıdy.

19.30-da «Qazaqstan» ortalyq kontsert zalynda Táýelsizdiktiń 30 jyldyǵyna oraı Qazaqkontsert el mádenıetiniń órkendeýine zor úles qosqan óner tulǵalaryna arnalǵan «Elim dep soqqan júrekter» atty úlken merekelik kontsert usynady.


Avtor Aıjan Serikjanqyzy
Basty sózder: Qoǵam, Nur-Sultan,
Joǵary qaraı