Aýa raıy
Astana 9 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

7 tamyz: Týǵan kún ıeleri

2020 jyldyń 7 tamyz 2020 08:08

NUR-SULTAN. QazAqparat - Búgin, ıaǵnı 7 tamyz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




57 jyl buryn (1963) QR Ulttyq banki tóraǵasynyń orynbasary Dına Tóleýbekqyzy ǴALIEVA dúnıege keldi.

Almaty halyq sharýashylyǵy ınstıtýtyn (1984) «Qarjy jáne nesıe» mamandyǵy boıynsha bitirgen.

1984 jyldan - Almaty qalalyq atqarý komıteti Dárihanalar basqarmasy Lenın aýdany Ortalyq dárihanasynyń aýdandyq ortalyq býhgalterııasynyń aǵa ekonomısi.

1988 jyldan - Almaty qalalyq «Farmatsııa» óndiristik birlestiginiń ekonomıkalyq-josparlaý bóliminiń esepshisi, aǵa ekonomısi, bastyǵynyń mindetin atqarýshy. 1992 jyldan - «Farmatsııa» memlekettik aktsıonerlik holdıngtik kompanııasynyń ekonomıkalyq máseleler jónindegi bas mamany, qarjylyq-josparlaý bóliminiń bastyǵy, ekonomıka bólimi bastyǵynyń orynbasary, baǵa belgileý jáne ekonomıkalyq boljaý bóliminiń bastyǵy. 1995 jyldan - QR Ulttyq banki býhgalterlik esep jáne bıýdjet departamentiniń bıýdjettik josparlaý basqarmasynyń bastyǵy; 1997 jyldan - bıýdjettik josparlaý jáne baqylaý basqarmasynyń bastyǵy; 2002 jyldan - qyzmetkerler quramymen Jumys departamentiniń dırektory. 2005 jyldan - «Qazaqstan halyq banki» JZQ» AQ basqarmasy tóraǵasynyń keńesshisi, tóraǵanyń birinshi orynbasary.

2009 jyldyń naýryzynan beri - QR Ulttyq banki tóraǵasynyń orynbasary.





54 jyl buryn (1966) QR Parlamenti Májilisiniń depýtaty, áleýmettik-mádenı damytý komıtetiniń múshesi Bekbolat Qanaıuly TІLEÝHAN dúnıege keldi.

Qaraǵandy oblysynyń Jańaarqa aýdanynda týǵan. Qurmanǵazy atyndaǵy Almaty konservatorııasyn jáne aspırantýrasyn bitirgen. 1992-2001 jyldary - Almaty konservatorııasynyń oqytýshysy, dotsenti, kafedra meńgerýshisi. 1996-1997 jyldary - Respýblıkalyq gvardııa janyndaǵy Prezıdent orkestri folklorlyq ansambliniń jetekshisi. 1997-2001 jyldary - Prezıdent orkestriniń kórkemdik jetekshisi. 2001-2002 jyldary - Qazaqstan Respýblıkasy Mádenıet, aqparat jáne qoǵamdyq kelisim mınıstrligi Mádenıet komıtetiniń tóraǵasy. 2002-2003 jyldary - Qazaqstan Respýblıkasy Mádenıet jáne qoǵamdyq kelisim vıtse-mınıstri. 2003-2004 jyldary - Qazaqstan Respýblıkasy Mádenıet vıtse-mınıstri. 2004-2007 jyldary - «Nur Otan» partııasy tizimi boıynsha Qazaqstan Respýblıkasy Parlamenti Májilisiniń depýtaty. 2007-2011 jyldar aralyǵynda Qazaqstan Respýblıkasy Parlamenti Májilisiniń 4-shi shaqyrylymdaǵy depýtaty boldy. Ulttyq sport túrleri qaýymdastyǵynyń prezıdenti, 2016 jyldyń naýryzynan Qazaqstan Respýblıkasy Parlamenti Májilisiniń altynshy shaqyrylymdaǵy depýtaty. «Parasat» ordenimen marapattalǵan. QR «Daryn» memlekettik syılyǵynyń jáne QR Memlekettik syılyǵynyń laýreaty, «Táýelsizdik tolǵaýy» ІІ Respýblıkalyq konkýrsynyń «Aınalaıyn, Azatym!» shyǵarmasy úshin (Erik Asqarovpen birge) «Tańdaýly operalyq shyǵarma» atalymyndaǵy laýreaty. Halyq ánshiligi jáne oryndaý sheberligi problemalary boıynsha birneshe ǵylymı eńbekteri bar. Memleket basshysy N.Nazarbaevtyń sózderine jazylǵan ánder, kórkem fılmder mýzykasynyń avtory.





52 jyl buryn (1968) Qazaqstan Respýblıkasy Qaýipsizdik Keńesiniń Áskerı qaýipsizdik jáne qorǵanys bóliminiń meńgerýshisi Qaıyrgeldi Qaıratuly ESENEEV dúnıege keldi.

Kókshetaý oblysynda týǵan. Lenıngrad qalasyndaǵy Lenın komsomoly Sý asty júzý Joǵary Áskerı-teńiz ýchılıesin mınno-torpedalyq qarý-jaraq mamandyǵy boıynsha bitirgen; AQSh Ulttyq qorǵanys ýnıversıteti, Ulttyq qaýipsizdik máseleleri jáne memlekettiń strategııalyq resýrstary jónindegi ǵylym magıstri (2014).

Eńbek joly: Soltústik flottyń, Krasnoznamennyı Soltústik flotynyń torpedalyq-tehnıkalyq bazasynda, Mýrmansk oblysynyń polıar qalasynda (1990-1994) dızeldi sýasty qaıyǵynyń mınalyq-torpedalyq jaýyngerlik bólimi tobynyń komandıri; Mańǵystaý oblysy, Aqtaý qalasy, Baýtıno kentinde Qazaqstan Respýblıkasy Áskerı-teńiz kúshteriniń bólimderinde, (1994-2000) qyzmet etti; Qazaqstan Respýblıkasy Qorǵanys mınıstri apparatynyń syrtqy baılanystar basqarmasy (2000-2002); QR QM Halyqaralyq qatynastar salasyndaǵy qyzmet (2002-2010); QR QM Ortalyq apparatynyń halyqaralyq yntymaqtastyq departamentiniń bastyǵy (2010-2013); Qazaqstan Respýblıkasy Qarýly Kúshteri Áskerı-teńiz kúshteri Bas qolbasshysynyń birinshi orynbasary-bas shtab bastyǵy (2014-2018); Qazaqstan Respýblıkasynyń Tuńǵysh Prezıdenti - Elbasy atyndaǵy Ulttyq qorǵanys ýnıversıteti bastyǵynyń orynbasary (Halyqaralyq yntymaqtastyq jónindegi) - halyqaralyq yntymaqtastyq jáne ákimshilendirý basqarmasynyń bastyǵy (2018-2020).

Qazirgi qyzmetin 2020 jyldyń aqpan aıynan bastap atqaryp keledi.


Basty sózder: Qoǵam,
Joǵary qaraı