Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

7 aıda elektrtehnıkalyq mashına jasaý óndirisiniń kólemi 11 paıyzǵa artty – Beıbit Atamqulov

2020 jyldyń 17 qyrkúıek 2020 12:37

NUR-SULTAN. QazAqparat – 2020 jyldyń 7 aıynda elektrtehnıkalyq mashına jasaý óndirisiniń kólemi 11 paıyzǵa artty. Bul týraly Qazaqstan mashına jasaýshylarynyń VIII forýmynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Elektrtehnıkalyq mashına jasaý salasynda da aıtarlyqtaı ilgerileýshilik oryn alyp, 10 jyldyń ishinde óndiris 3 esege, eksport 4 esege artty. Oqshaýlaýdyń ortasha deńgeıi 75 paıyzǵa jetti. Tek 2019 jyly ǵana 5 mlrd teńgege 34 mln metr talshyqty-optıkalyq kabel shyǵaryldy. Tolyqtaı alǵanda, 7 aıdyń ishinde elektrtehnıkalyq mashına jasaý óndirisiniń kólemi 11 paıyzǵa artyp, 101,4 mlrd teńgeni qurady», - dedi mınıstr.

Onyń aıtýynsha, bıyl otandyq akkýmýlıatorlar Birikken Arab Ámirlikteri men Italııa naryǵyna shyǵarylady. Jalpy bul ónim túri qazirgi ýaqytta Reseı, Belarýs, Ózbekstan, Qyrǵyzstan, Qytaı, Germanııa elderine jetkizilip otyr. Búginde ishki naryqtyń akkýmýlıatorǵa qajettiligi 65 paıyzǵa qamtamasyz etiledi. Al ishki naryqtyń transformatorlarǵa qajettiligi 85 paıyzǵa qamtamasyz etilgen.

«Aldaǵy ýaqytta Petropavl qalasynda 5-shi transformator zaýyty iske qosylǵannan keıin jylyna 10 myń atalǵan ónim shyǵarylatyn bolady. Sol kezde ishki naryq transformatorlarmen qamtylady», - dedi Beıbit Atamqulov.


Joǵary qaraı