Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«7-20-25» jáne «Baspana hıt» klıentteriniń ıpotekalyq tólemi 90 kúnge shegerildi

2022 jyldyń 24 qańtar 2022 14:05

NUR-SULTAN. QazAqparat – «7-20-25» jáne «Baspana hıt» klıentterine 90 kúnge deıin tólemdi keıinge qaldyrý usynyldy. Bul týraly «Qazaqstannyń ornyqtylyq qorynan» málim etti, dep habarlaıdy QazAqparat tilshisi.

«Qazaqstannyń ornyqtylyq qory» AQ basqarmasynyń sheshimimen tótenshe jaǵdaı rejıminiń engizilýinen zardap shekken qaryz alýshylardy qoldaý is-sharalaryn iske asyrý aıasynda «7-20-25» jáne «Baspana hıt» ıpotekalyq baǵdarlamalarynyń klıentterine aıyppuldar men ósimpuldar eseptelmeı, 2022 jylǵy 5 qańtardan bastap 90 kúnge deıin tólemdi keıinge qaldyrý usynyldy. QR Qarjy naryǵyn retteý jáne damytý agenttiginiń 2022 jylǵy 10 qańtardaǵy buıryǵymen tótenshe jaǵdaı rejımin engizý saldarynan zardap shekken jeke jáne zańdy tulǵalardyń qaryzdary boıynsha tólemderdi keıinge qaldyrýdy usyný tártibi bekitildi», - delingen taratylǵan aqparatta.

Qor málimetinshe, atalǵan tártipke sáıkes bankter tólemderdi 2022 jylǵy 5 qańtardan 5 sáýirge deıingi kezeńge keıinge qaldyrýdy usynady.

«Tólemdi keıinge qaldyrý qaryz alýshynyń kredıttik tarıhyna áser etpeıdi. Tólemdi keıinge qaldyrý múmkindigin alý úshin qarjylyq jaǵdaıynyń nasharlaǵanyn rastaıtyn qujattardy qosa bere otyryp, bankke erkin túrde ótinish bildirý kerek. Ótinish elektrondyq poshtanyń, «bank-klıent» onlaın-júıesiniń, ınternet-resýrstyń, mobıldik qosymshanyń, basqa da baılanys quraldarynyń kómegimen nemese qaryz alýshynyń bank bólimshesine kelýi arqyly beriledi. Ótinishterdi qarastyrý merzimi on jumys kúnin quraıdy. Tólemdi keıinge qaldyrý týraly ótinishter 2022 jylǵy 4 sáýirge deıin (qosa alǵanda) qabyldanady», - dep atap ótedi qordan.


Joǵary qaraı