Aýa raıy
Astana 2 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

650 myńnan astam qazaqstandyqqa AÁK IV toqsanda avtomatty túrde taǵaıyndalady

2020 jyldyń 26 qyrkúıek 2020 00:34

NUR-SULTAN. QazAqparat - 130 myń otbasyndaǵy 650 myńnan astam qazaqstandyqqa, IV toqsanda ataýly áleýmettik kómek (AÁK) taǵaıyndaý avtomatty túrde júzege asyrylady, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Baspasóz qyzmeti taratqan derekterge qaraǵanda, QR Eńbek jáne halyqty áleýmettik qorǵaý mınıstriniń tıisti buıryǵy aǵymdaǵy jyldyń 25 qyrkúıeginde qabyldandy jáne resmı jarııalanǵan kúninen bastap kúshine enedi.

Bul shara aýyldyq ákimdikterde jáne jumyspen qamtý ortalyqtarynda adamdardyń jappaı jınalýynyń aldyn alyp, azamattardyń koronavırýs ınfektsııasyn juqtyrý qaýpin azaıtady.

Azamattar memlekettik organdarǵa ataýly áleýmettik kómek alý úshin birinshi ret júgingen kezde jumyspen qamtý ortalyqtarynyń qyzmetkerleri memlekettik organdardyń aqparattyq bazalarynda qajetti derekterdi tekseredi. Sonymen birge ýchaskelik komıssııalar AÁK taǵaıyndaýǵa ótinish berýshilerge messendjerler arqyly saýalnama júrgizedi, baryp tekserý júrgizbeıdi. AÁK ótinimderin jańartý kezinde kiristerdiń belgili bir túrleri eskerilmeıdi.

Buǵan deıin AÁK alýshylaryna tótenshe jaǵdaı men shekteý sharalarynyń sebebinen II jáne III toqsandarda kómek taǵaıyndaý uzartylǵan bolatyn.

«AÁK jan basyna shaqqandaǵy ortasha tabysy otbasynyń árbir múshesi úshin aımaqtyq eń tómengi kúnkóris deńgeıiniń 70%-ynan tómen azamattarǵa taǵaıyndalatynyn eske salamyz. Qazaqstanda az qamtylǵan azamattar qatarynan barlyǵy 760 myńnan astam AÁK alýshy bar»,-delingen habarlamada.


Joǵary qaraı