Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

6 mln-nan astam qazaqstandyq vaktsına alyp, elde epıdjaǵdaı jaqsardy - Tsoı

2021 jyldyń 27 qyrkúıek 2021 16:24

NUR-SULTAN. QazAqparat – Qazaqstanda epıdemıologııalyq jaǵdaı jaqsaryp keledi. Búgingi epıdjaǵdaı týraly elimizdiń Densaýlyq saqtaý mınıstri Alekseı Tsoı aıtyp berdi, dep habarlaıdy QazAqparat tilshisi.

«Qazaqstandyqtar koronavırýs dáýirinde ómir súrip jatqanyn túsiný kerek. Qazirgi ýaqytta 6 mıllıonnan astam qazaqstandyq tolyq vaktsına aldy. Búginde halyqtyń belgili bir bóliginde ımmýndyq qabilet jaqsaryp, sáıkesinshe, epıdjaǵdaı jaqsaryp keledi», - dedi A. Tsoı Úkimet úıinde ótken baspasóz máslıhatynda.

Sondaı-aq, mınıstr elimizde saltanatty is-shara ótkizýge ruqsat berýge qatysty óz pikirin bildirdi.

«Epıdahýal jáne daǵdarys kezinde bıznesti qoldaý, olardyń qaýipsizdigin qamtý mańyzdy. Toı-dýman ótkizýge ruqsat berilgenimen, onyń naqty talaby baryn umytpaǵan jón. Ol talaptardyń saqtalýyn sanıtarlyq-epıdemıologııalyq baqylaý qyzmeti qadaǵalaıtyn bolady. Osy oraıda bıznes ókilderin karantın talaptaryn jumsartýymyzǵa túsinistik tanytyp, jumys barysynda ortaq erejeni qatań saqtaýǵa shaqyramyz», - deıdi ol.


Joǵary qaraı