Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

باسەكەگە باۋليتىن 5 كىتاپ

2021 jyldyń 19 qazan 2021 18:27

نۇر- سۇلتان. قازاقپارات - كىتاپ - ەڭ سابىرلى ۇستاز. سابىرلى بولا وتىرىپ ءسىزدى بىلىمگە، عىلىمعا، ماحاببات پەن شىعارماشىلىققا قۇشتار ەتەدى. ال بۇگىن سىزگە ۇسىنىپ وتىرعان بەس كىتاپ تۇلعا بولىپ قالىپتاسۋىڭىزعا سەپتىگىن تيگىزەدى.

«باستا»

اۆتورى: دجون ەيكافف

كىتاپ اتاۋى ايتىپ تۇرعانداي سىزگە نەنى، قالاي باستاۋ كەرەكتىگىن ۇيرەتەدى. قاي جاستا بولساڭىز دا، ورتاڭىزعا قاراي باستاۋىڭىز كەرەك ءاربىر ىسكە جان- جاقتى اقپارات بەرەدى. بۇل كىتاپتى وقۋ ارقىلى ءسىز بىردەن ىسكە كىرىسەسىز ياعني، ءومىرىڭزدى وزگەرتۋدى بۇگىننەن باستاپ كەتۋىڭىز دە عاجاپ ەمەس. «جاڭا جىل» كەلمەي- اق جاڭا ءومىر باستاۋعا سەپتىگىن تيگىزەتىن كىتاپ ءسىزدى ءوز سورەسىندە كۇتەدى.

«مەن وسى جىلى.. .»

اۆتورى: م. دج. رايان

بۇل كىتاپ سىزگە سوزىڭىزدە تۇرۋعا، ۋادەنى ءدال ۋاقىتىندا جۇزەگە اسىرۋعا كومەكتەسەدى. كوپتەگەن ادامدار الدىن- الا ءسوز بەرىپ، ونى ىستەۋدەن قاشىپ جاتادى نەمەسە قولدارىنان كەلمەيدى. ءسىز بۇل كىتاپتى وقۋ ارقىلى وسى ولقىلىقتارىڭ ورنىن تولتىرا الاسىز. كىتاپ پسيحولوگياعا، نەيروفيزيولوگياعا، فيلوسوفياعا نەگىزدەلگەن.

«جايلى كەڭىستىكتەن شىعۋ»

اۆتورى: برايان ترەيسي

بۇل كىتاپ ءسىزدى وزىڭىزگە جايلى كەڭىستىكتەن شىعا وتىرىپ، جاقسى ءومىرۋ سۇرۋگە ۇيرەتەدى. كىتاپ ىشىندە سىزگە كەرەك 21 ءتۇرلى تاجىريبەلى كەڭەستەر بەرىلگەن. ال اۆتوردىڭ ءوزى جاس كەزىندە مەكتەپتەگى ءومىرىن تاستاپ، ءوز جولىن باسقا ارناعا بۇرىپ، بۇگىندە ميلليونەر اتانعان ادام. اتالعان كىتاپ الەمنىڭ 40 تىلىنە اۋدارىلعان. ال ونىڭ تارالىم سانى شامامەن 1200000.

«ادامدار قالاي ويلانادى»

اۆتورى: دميتريي چەرنىشيەۆ

كىتاپ سانانى جاتتىقتىرۋعا ارنالعان. كوپتەگەن ادامدار بار زاتتى عانا ويلايدى. ال نەگىزگى ويدىڭ كورىنىسى الدىمەن شىعارماشىلىقپەن كەلەتىنىن ەسكەرمەيدى. بۇل كىتاپتا اۆتور ەكى جاقتى دۇنيەنىڭ ارا جىگىن اشىپ، ءارى ويلاۋ نازىك قۇرال ەكەنىن، ونى جاتتىقتىرۋ كەرەكتىگىن العا تارتادى.

«ەرىك- جىگەر»

اۆتورى: كەللي ماكگونيگال

كىتاپ ءوزىڭىزدى جەتىلدىرۋگە بىردەن- ءبىر سەپتىگىن تيگىزۋشى كومەكشى قۇرال سەكىلدى. كىتاپ ءسىزدىڭ ەرىك- جىگەرىڭىزدى قالىپتاستىرۋعا، ىشكى جان دۇنيەنىڭ تىنىشتىعىن قالاي پايدالانۋ كەرەكتىگىن كورسەتەدى. ۇلكەن ەكى سالانىڭ نەگىزىندە، پسيحولوگيالىق جانە مەديتسينالىق زەرتتەۋلەر ارقىلى جازىلعان كىتاپ ءسىزدى تاجىريبە ارقىلى جۇزەگە اسقان ءتۇرلى قىزىقتارعا باستايدى.

massaget.kz


Basty sózder: قوعام,
Joǵary qaraı